“Po ne zhvendosin Gjendjen Civile”. Ankohen 100 familje ne fshatin Kraps te Fierit - Vizion Plus

http://www.vizionplus.tv   / vizionplustv     / vizionplustv   Mbi 100 familje në fshatin Kraps të njësisë Portëz në Fier janë ankuar se prej 4 ditësh u është transferuar gjendja civile në Patos. Prej 30 vitesh banorët e këtij fshati kanë paguar takstat dhe kanë marrë shërbimet në Bashkinë e Fierit. Ata kërkojnë që të kthehet gjendja civile në vendbanimet e tyre ku kanë jetuar.Mungesa e infrastrukturës rrugore është një tjetër problematikë që ngritën banorët e zonës. Segmenti prej 4 km, sipas tyre nuk ka pasur asnjë investim prej vitesh. Ata thonë se kanë vështirësi për të çuar fëmijët në shkollë. Ndërsa gjendja civile e Fierit ka reaguar duke e arsyetuar këtë situatë me një gabim në adresarin e sistemit dhe u ka kërkuar qytetarëve të drejtohen pranë sporteleve për të konfirmuar adresën.