Charlie Cinelli - La Mèla #iorestoacasa

Estratto dalla diretta streaming del 9 Marzo 2020 la Mèla (il Mella, fiume bresciano) dedicato a tutti i Bresciani e tutti i lombardi. LA MÈLA G. Cinelli (Sol Do Re Sol Do Re) Ècoga ché bèi polsadés, sintàcc zó ‘ntùren ala tàola, ‘na bèla compagnia che làssa mai ‘ndré gna’ ‘na mìgola Perchè en s’è mia nassìcc apéna per laorà, ghe öl pò ìga bó tép, maià, béer e cantà Però cantà l’è düra se de pàpa ghe n’è póca, che ‘nfinamài le gambe la ia fa nà la bóca Èco perchè ‘n s’è töcc del parere del Galilei, la polenta piö l’è ónta e piö l’è mèi Come la Mèla che va, töcc en se ambia a cantà Certo che ‘na ólta se paciàa mia sicür come adès, piö tàncc i maiàa de màgher en pó piö spès E quand che nóni e nóne i restàa sènsa i pudìa apéna tacà béga con la credènsa Per mia parlà de chèi che i éra alpini söle Alpi, i dùzìa ‘ncontentàs de pà e culpi E adès che ‘n compagnia sóm mia certo dei petòc, lecóm la bàsgia quand che gh’è finìt i gnòc Come la Mèla che va, töcc en se àmbia a cantà. Che con la Mèla, chissà, la belegòrnia la passarà Amaròcc, ciüine, dùrcc, recè, sbessècc, reatì e stilì, conécc, custìne, sàlvia, patate e mumbulì El spiét l’è bel mustùs, gh’è Aldo che ghe àrda, l’è dàle sèt che ‘l viàgia de botér e de lecàrda Prepara ‘l consadì, gh’è chi che ‘l ga piàs fés, trà fò quàc tòc de pà, pò a se l’è staladés Se argü g’hà i scalmanì o ghe vé i baligurdù, ghe tiraróm el còl a ‘n óter butigliù Come la Mèla che va, töcc en se àmbia a cantà. Che con la Mèla, chissà, la belegòrnia la passarà Caóm la moscaröla, ardóm sè i è amò bù, tastóm en tòc de tara e ‘n po’ de strachitù Pensómega ‘ré ai nóni che gh’éra nisü vésse, la séra nèle stàle coi pè nèle boàsse E metóm sö la cógoma entàt che i tóncc i viàgia e tira fò le chìchere e pórta ‘n sà la grègia E pòsta söla stüa le scórse del portogàl e ‘mpisa pò la pipa per ‘na ólta la fà mia màl Come la Mèla che va, töcc en se àmbia a cantà. Che con la Mèla, chissà, la belegòrnia la passarà La la la laa la laa la la laa ecc. #iorestoacasa #coronavirus #maimola #staabaita #suoneràtuttobene #charliecinelli