மலத்தில் ரத்த துளிகளா? மூலமா? வயிற்றுப்புண்ணா இல்லை வேறு ஏதாவது நோயா? - Dr Maran

#Piles #Ulcer #BloodInMotion #bleedingpiles #bleeding மலத்தில் ரத்தத்துளிகள் இருந்தால் என்ன செய்ய வேண்டும் என்று மருத்துவர் மாறன் இந்த காணொளியில் கூறுகிறார். முதலில் ரத்தத்தை பார்த்தால் வரும் பயத்தை உடனடியாக நீக்க வேண்டும் என்று மருத்துவர் கூறுகிறார். பலர் பதட்டம் அடைவதுடன், மோசமான நோய்கள் தங்களுக்கு ஏற்பட்டு விட்டதா என்று சந்தேகப்படுவர். சிலர் கூச்சப்பட்டு மருத்துவரிடம் காண்பிக்க வேண்டாம் என்று நினைக்கின்றனர். இன்னும் சிலரோ மலத்தில் ரத்தம் இருந்தால் மூலம் உள்ளது என்று அவர்களாகவே நினைத்துக் கொண்டு மருத்துவரை நாடாமல் கவனக்குறைவாக இருப்பார்கள். இந்த எதிலும் அர்த்தம் இல்லை என்று மருத்துவர் மாறன் ஆணித்தரமாக கூறுகிறார். அப்படி மலத்தில் ரத்தம் வரும் பட்சத்தில் அந்த ரத்தம் எப்படி இருக்கிறது என்று கவனிக்கச் சொல்கிறார் மருத்துவர் மாறன். மலம் கழிக்கும்போது ரத்தம் வருகிறதா அல்லது கழித்தபின் வருகிறதா, ரத்தம் மலத்தின் மேல் கோடு கோடாய் தெரிகிறதா, ரத்தமும் மலமும் நன்றாக கலந்து மலம் சிவப்பு நிறத்தில் காட்சியளிக்கிறதா, ஆசனவாயில் வலி இருக்கிறதா என்பதை எல்லாம் முதலில் பார்க்கச் சொல்கிறார் மருத்துவர் மாறன். அடுத்ததாக ரத்தம் எந்த நிறத்தில் இருக்கிறது என்று கவனிக்கச் சொல்கிறார். சிகப்பு நிறத்தில் இருக்கிறதா, கருமை கலந்த சிவப்பு நிறத்தில் இருக்கிறதா, அடர் கருப்பு நிறத்தில் இருக்கிறதா என்று பார்க்க சொல்கிறார் மருத்துவர் மாறன். ரத்தம் சிவப்பாக இருந்தால் ஆசனவாய்ப் பகுதியில் இருந்து அல்லது அதற்கு சற்று மேலே இருந்து வருகிறது என்று அர்த்தம். இது ஆசன வாய் வெட்டு அல்லது மூல நோய்க்கு அறிகுறியாக இருக்கலாம் என்று மருத்துவர் மாறன் கூறுகிறார். ரத்தம் கருமை கலந்த சிகப்பு நிறத்தில் இருந்தால் மலக்குடலின் உள்பகுதியிலிருந்து ரத்தம் வருகிறது என்று பொருள். அப்படி இருக்கும் பட்சத்தில் மலக்குடலின் மேல் பகுதியில் கட்டியிருந்தாலும், inflammatory bowel disease அல்லது crohn's disease அல்லது கேன்சர் கட்டிகள் இருந்தாலோ இம்மாதிரி நிறத்தில் ரத்தம் வரலாம் என்று மருத்துவர் கூறுகிறார். ரத்தம் அடர் கருப்பு நிறத்தில் இருக்கும் பட்சத்தில் அது வயிற்றிலோ அல்லது சிறுகுடலின் முன்பகுதியிலோ ஏற்படும் ரத்தக் கசிவினால் ஏற்படுகிறது என்று பொருள். அது பெரும்பாலும் வயிற்றுப்புண் என்று சொல்லக்கூடிய அல்சரினால் வருவது என்று மருத்துவர் மாறன் கூறுகிறார். எப்படி இருந்தாலும் பயப்படாமல் உடனே மருத்துவரை அணுக வேண்டும் என்று அவர் கூறுகிறார். மருத்துவரிடம் செல்லும்பட்சத்தில் அவர் சில பரிசோதனைகளை அவசியம் செய்து உண்மையில் எதனால் இரத்த போக்கு ஏற்படுகின்றது என்று ஆய்ந்து அறிந்து அதற்கேற்ற மருந்துகளை பரிந்துரை செய்வார். ஆகவே மலத்தில் ரத்தப் துளிகள் இருந்தால் பதட்டப்படாமல் உடனே மருத்துவரை அணுகுங்கள் என்று மருத்துவர் மாறன் கூறுகிறார். You can read about the experiences of Dr Maran on his personal website at www.drmaran.com You can visit Springfield Wellness Centre in the following social media channels too   / springfieldwellnesscentre   https://plus.google.com/+SpringfieldW...   / drmaran      / @drmaran     / springfield-wellness-centre