ALYAS YAWA ANG PINAKABATANG DRUGLORD NG BOHOL

Kung sa Cebu City tol ay may Jeffrey Diaz alyas Jaguar at sa Leyte ay may Kerwin Espinosa alyas Batman, sa Bohol naman ay may Rowen Secretaria alyas Yawa, nako pangalan pa lang ay mapapamura ka na talaga sa taong ito. Sinasabing kahintulad siya ni Jaguar sa taktikang mag-ala bayani o Robinhood upang makuha niya ang loob ng mga tao sa kanyang nasasakupan. Rowen Torrefiel Secretaria, o mas kilala sa tawag na "Alyas Yawa, o sa tagalog alyas Demonyo" ay naging bantog sa Bohol bilang isa sa mga pinakamalalaking druglords sa rehiyon at itinuturing na pinakabatang drug lord sa Bohol. Ang kanyang pagkatao bilang Secretaria ay unang nadiskubre nang ituro siya ng ilang mga tulak na naaresto sa kanyang mga teritoryo, lalo na sa mga lugar ng Ermita at Pasil sa siyudad ng Cebu. Hindi nagtagal, naging tanyag na si Secretaria sa hanay ng mga alagad ng batas. Siya ay itinala bilang third most wanted sa Cebu City, kung saan siya ay kasabay na ng iba pang kilalang kriminal gaya ni alyas Jaguar. Dahil sa pagiging mainit ng kanyang pangalan sa mga pulis sa Cebu, nagdesisyon si Secretaria na magtago sa Bohol. Dito siya pansamantalang nanirahan kasama ang kanyang tiyahin na si Consorcia Reyes Secretaria, na mas kilala bilang Alyas Siang. Sa pagkubli sa maliit na isla, hindi nagpatinag si Secretaria at dito niya ipinagpatuloy ang kanyang illegal na negosyo. Dahan-dahan itong lumago, at sa kanyang pag-angat, nabuo ang kanyang bagong alias bilang "Alyas Yawa." Inabot ng ilang panahon bago natukoy ng mga otoridad na iisa lang si Alyas Yawa at Secretaria. Ang lokasyon ng isla, na anim na kilometro lamang ang layo sa Olango Island (na sakop ng Cebu), ay nagbigay-daan para kay Yawa na magbiyahe at maghatid ng illegal na kargamento. Gumagamit siya ng mga ordinaryong mukhang bangka na pang-mangingisda, ngunit sa likod nito, may mga nakatagong kontrabando. True Crime Tagalog | Tagalog Crime Stories