NYIRINGANZO: Amateka y’umuhanzi Franco, Umurundi benshi bitiranya n’Umunyarwanda

Nzobonimana François wamenyekanya ku izina ry’ubuhanzi rya Franco mu ndirimbo nka ‘Brigitte’, ‘Amabaruwa’, ‘Umuhinzi nyakuri’, ‘Nta mpuhwe ukigira’, ‘Manyinya’ n’izindi…akomoka mu Burundi ariko yageze mu Rwanda mu 1972 ahunze imidugararo n’intambara byari muri icyo gihugu, ageze mu Rwanda yifatanya na bagenzi be bashyiraho orchestre ‘Les Fellows’. Mu bo bazanye mu Rwanda icyo gihe harimo undi Murundi witwa Nikiza David (Niki Dave) watabarutse mu 1992. Yamenyekanye mu ndirimbo zakunzwe cyane mu Rwanda no mu Burundi zirimo ‘Amosozi y’urukundo’ (yasubiwemo na Kidumu), ‘Iyoba nosubiye’, ‘Umugore w’ubu ni temba ntereke’.