СИМ 2026 | Ден на спортот – Прилеп (03.06.2026)

Во Прилеп се одржа првата сезона од Плазма Спортските игри за млади во Македонија, каде покрај натпреварите во повеќе спортови, во преден план беа фер-плејот, дружењето и градењето вистински вредности кај младите. 🏃 Во рамките на овој настан за првпат во земјава се организираше и спортско-едукативниот проект „Zero Waste“, кој во партнерство со Coca Cola креативно ги едуцира децата за заштита на животната средина и сортирање на отпадот преку квизови и полигони. 🟢⚽ Прв победник на овој едукативен полигон е екипата „Пеперутки“ од основното училиште „Гоце Делчев“ од Прилеп, а проектот понатаму ќе продолжи во Битола (утре 04.06.2026 и во Охрид (08.06.2026) Свеченото отворање и палењето на спортскиот факел го означија истакнати спортисти, меѓу кои, поранешниот македонски репрезентативец и актуелен селектор на македонската кадетска ракометна репрезентација, Горан Кузманоски заедно со Даниела Проданоска, олимпијка во атлетика (Сиднеј 2000 година), Дарко Насески, олимпиец во стрелаштво (Атланта 1996 година) и фудбалерите од СОУ Ристе Ристески Ричко (учестуваа на Европско првенство во Бања Лука). 🏅 Претседателката на игрите, Елена Мицкоска, изрази големо задоволство од успехот и истакна дека проектот обезбедува бесплатен и достапен спорт за сите деца. Таа упати благодарност за безрезервната поддршка до Премиерот Христијан Мицкоски, Министерството за спорт и локалната самоуправа, посакувајќи им на најдобрите пласман на големото финале во Сплит. Градоначалникот на Прилеп, Дејан Проданоски, им посака добредојде на учесниците од Прилеп и околните општини, нагласувајќи дека градот е горд што е центар на младинскиот спорт и дека градењето пријателства и тимски дух е многу поважно од самите спортски резултати. Драго ми е што токму во Прилеп се одржаа Плазма Спортските игри за млади, ја поздравувам нивната мисија – бесплатен и достапен спорт за младите деца. Ова е одличен мотив за сите деца од мали нозе да стекнат здрави навивки, рече Горан Кузманоски. #sim2026 #plazma #igritesezakon #sportskiigrizamladi