ലോക വയോജന പീഡന ജാഗ്രത ദിനാചരണം – ശാലോം കാരുണ്യാ ഭവൻ, മല്ലപ്പള്ളി

ലോക വയോജന പീഡന ജാഗ്രത ദിനാചരണം – ശാലോം കാരുണ്യാ ഭവൻ, മല്ലപ്പള്ളി ലോക വയോജന പീഡന ജാഗ്രത ദിനത്തോടനുബന്ധിച്ച് ശാലോം കാരുണ്യാ ഭവൻ, മല്ലപ്പള്ളിയിൽ ദിനാചരണം നടത്തി. റവ. ഫാ. തോമസ് മാത്യുവിന്റെ പ്രാർത്ഥനയോടെ മീറ്റിംഗ് ഉദ്ഘാടനം ചെയ്തു, സോഷ്യൽ വർക്കർ ലിജ എസ്തർ എല്ലാവരെയും ഹൃദയപൂർവം സ്വാഗതം ചെയ്തു. ശാലോം കാരുണ്യാ ഭവന്റെ മാനേജിംഗ് ട്രസ്റ്റി ശ്രീ. ഈപ്പൻ ചെറിയാൻ അദ്ധ്യക്ഷ പ്രസംഗം നടത്തി വയോജനങ്ങളെ സ്നേഹത്തോടെയും കരുതലോടെയും സംരക്ഷിക്കേണ്ടതിന്റെ ആവശ്യകതയെക്കുറിച്ച് സംസാരിച്ചു. പറക്കത്താനം സെന്റ്. തോമസ് കോളേജിലെ അധ്യാപിക അലിടാ ബെന്നി ആശംസ അർപ്പിച്ചു. തുടർന്ന് സോഷ്യൽ വർക്കർ ക്രിസ്റ്റീന ലോക വയോജന പീഡന ജാഗ്രത ദിന പ്രതിജ്ഞ ചൊല്ലിക്കൊടുക്കുകയും, റവ. ഫാ. എബ്രഹാം തോമസ് ഈ ദിനത്തിന്റെ പ്രാധാന്യവും സമൂഹത്തിന്റെ ഉത്തരവാദിത്വവും വിശദീകരിക്കുന്ന സന്ദേശം നൽകുകയും ചെയ്തു. തുടർന്ന് ശാലോം കാരുണ്യാ ഭവനിലെ അന്തേവാസികൾ അവതരിപ്പിച്ച കലാപരിപാടികൾ ചടങ്ങിന് കൂടുതൽ മിഴിവേകി. പരിപാടിയുടെ സമാപനത്തിൽ സോഷ്യൽ വർക്കർ നവ്യ സി. ഗോപാൽ എല്ലാവർക്കും നന്ദി രേഖപ്പെടുത്തി. വയോജനങ്ങളോടുള്ള ആദരവും കരുതലും സ്നേഹവും സമൂഹത്തിൽ വളർത്തിയെടുക്കേണ്ടതിന്റെ ശക്തമായ സന്ദേശം പകർന്നുനൽകിയ ഒരു ശ്രദ്ധേയമായ ദിനാചരണമായി ഈ പരിപാടി മാറി.