張俊輝 我的衣裳

大家好，我係張俊輝，我嘅作品名叫《我的衣裳》。呢幅作品係我嘅水墨彩繪自畫像。我用簡單嘅線條勾勒出自己嘅面部表情，仲畫咗一個好有個性嘅黑色髮型。重點係我設計嘅呢件衫，我用咗自己最鍾意嘅藍色同黃色，再加上一點橙色，用暈染嘅方法令色彩融合，睇落好帥氣、好有活力。 作品展現咗「仁愛」同「感恩」嘅價值觀。自畫像係一個學識愛自己、欣賞自己長處嘅過程，同時感恩自己擁有既一切。我希望每個人都可以好似我咁，自信地展現自己最「帥」嘅一面。多謝大家！