BAKIT KINAKATAKUTAN SI JOVIE ESPENIDO?

Sa ilalim ng administrasyon ng dating pangulo Rodrigo Roa Duterte ay may isang opisyal na naging makapangyarihang sandata ng pamahalaan laban sa hindi mabilang na kasong kriminalidad at talamak na problema ng illegal na droga. Sa bawat lugar sa kaniyang pagtatalaga, tila may hatid siyang presensiyang nagbibigay takot sa mga nasa likod ng iligal na aktibidad. Hindi siya simpleng alagad ng batas; siya ang tila "huling baraha" o special weapon ng gobyerno, na siyang ipinapadala sa mga lugar na kinukubabawan ng sindikato at kriminal na tila hindi na kayang tibagin ng karaniwang sistema. Sa ilalim ng kanyang panunungkulan, ang mga kasong nananatiling hindi masolusyunan ay binibigyan ng bagong liwanag madalas na may kasamang kontrobersya, ngunit laging may resulta. Siya si Police Lt. Col Jovie Espenido, ang pangalan na tila bumabalot sa anino ng kontrobersiya at kabayanihan, pulis na tumatak sa kasaysayan ng Pilipinas. Kilala siya bilang isang makaDiyos at masigasig na pulis na hindi natatakot harapin ang pinakamalalaking hamon sa kampanya laban sa ilegal na droga. Si Espenido ay naging kilala sa matapang na pagresolba ng mga kaso, mula sa pagbuwag ng private armies ng mga makapangyarihang politico, Martilyo gang, hanggang sa mga kontrobersyal na operasyon laban sa mga pinangalanang narco-politicians tulad nina Mayor Rolando Espinosa Sr. at Mayor Reynaldo Parojinog Sr. True Crime Tagalog | Tagalog Crime Stories