Kanhergad Fort | गौताळा अभयारण्यातील किल्ले कन्हेरगड | kanhergad Trek Chalisgaon |

पाटणादेवी परिसरातील किल्ले कन्हेरगड भटकंती | चाळीसगाव तालुक्यातील कन्हेरगड किल्ला व सिता न्हाणी लेणी भटकंती | कन्नड घाट डोंगर रांग | चाळीसगाव पासून १८ किमी अंतरावर पाटणादेवीचे प्रसिध्द मंदिर आहे या गौताळा अभयारण्याच्या निसर्गरम्य परीसरातील डोंगररांगेत धवलतीर्थ, केदारेश्वर, केदारकुंड, पितळखोरे लेणी, हेमाडपंथी महादेव मंदिर, कन्हेरगड अशी ऎतिहासिक महत्व असलेली ठिकाणे आहेत. आजच्या व्हिडिओ मध्ये आपण कन्हेरगड बघणार आहोत कन्हेरगड किल्ल्याची उंची 660 मीटर असून तो गिरीदुर्ग प्रकारातील किल्ला आहे. सह्याद्री पर्वताच्या रांगेत असलेला हा किल्ला चढाईसाठी मध्यम स्वरुपाचा आहे. त्यामुळे तरुणांबरोबर मुले, महिलाही येथे सहज जाऊ शकतात. जळगाव जिल्ह्यातील चाळीसगाव रेल्वे स्टेशनपासून 18 किलोमीटर अंतरावर कन्हेरगड हा किल्ला आहे. या इतिहासदुर्गाची उभारणी आठव्या शतकात झाली. येथे यादव सम्राट आणि त्यांच्या मांडलिकांचे राज्य होते. शके 1150 मधील आषाढी अमावास्या व सूर्यग्रहण असलेल्या दिवशी पाटणादेवीचे मंदिर जनतेसाठी खुले केल्याचा उल्लेख संत जनार्दन चरित्रात आहे. या मंदिराच्या परिसरात खगोलशास्त्रज्ञ व गणितसूर्य भास्कराचार्यानी शून्याची संकल्पना मांडली आहे. त्याच्या वास्तावासंबधीचा शिलालेख येथे आढळून येतो. हा परिसर अतिशय नयनरम्य व मनमोहक निसर्गसौंदर्याने बहरलेला आहे. पाटणा गावातील हेमाडपंथी मंदिराच्या मागेच कन्हेरगड आहे. कन्हेरगडकडे जातांना आपल्या वाटेत नागार्जून जैन लेणी, सीता न्हाणी व शृंगार चावडी ही ३ लेणी बघायला मिळतात पाटणा गावाच्या पुढे रस्त्यावरून उजव्या बाजूला वळून ५ मिनिटात आपण पुरातन हेमाडपंथी महादेव मंदिरापाशी पोहोचतो. महादेव मंदिर पाहून मंदिराच्या बाजूने जाणार्‍या पायवाटेने. मंदिरापासून गड पायथ्याला जाण्यास १० मिनिटे लागतात नागार्जून लेणी ही जैन लेणी दहाव्या शतकात खोदण्यात आली होती. नागार्जून लेण्याच्या व्हरांडा २ खांबांवर तोललेला आहे. सभामंडपात समोरच्या भिंतीवर भगवान महावीरांची पद्मासनात बसलेली मुर्ती आहे. सोबत गंधर्व, सेविका कोरलेल्या आहेत. गुहेच्या डाव्या बाजूच्या भिंतीवर गोमटेश्वराची ४ फूटी मूर्ती कोरलेली आहे. त्याच्या बाजूला ४ तिर्थंकर कोरलेले आहेत. गुहेच्या उजव्या बाजूला वरच्या अंगाला पाण्याच टाक आहे. त्याच्या खालून पायवाटेने सरळ पुढे चालत गेल्यावर आपण सीता न्हाणी या लेण्यांपाशी पोहोचतो. असं म्हणतात जेव्हा राम लक्ष्मण सीता हे जेव्हा वनवासाला निघाले होते तेव्हा ते येथे काही वेळ थांबले होते तेव्हा रामाने सितेच्या स्नानासाठी येते गुफा कोरली होती म्हणून त्याला सिता न्हाणी असे म्हणतात. सीता न्हाणी लेणी पाहून पुढे आपण डोंगराच्या (North West) टोकाकडे पोहोचतो. येथे आपल्याला २०-२५ फूटी कातळ कडा दिसतो, तो चढून गेल्यावर आपला किल्ल्यावर प्रवेश होतो. कातळकडा चढुन आपण किल्ल्याच्या माचीवर पोहचतो. माचीवर पूर्वेला कातळात जमिनीवर कोरलेले पाण्याच टाक आहे. या पासुन पुढे थोडा वेळ चालल्यावर आपण कन्हेरगडच्या दरवाजापाशी येतो. या दरवाजाच्या दोन्ही बाजूंना भक्कम बुरुज आहेत. दरवाजाच्या आत पहारेकर्‍यांसाठी देवड्या आहेत. दरवाजा पाहून पुन्हा किल्ल्यात प्रवेश करावा. दरवाजा जवळून एक पायवाट किल्ल्याच्या माथ्याकडे जाते. या पायवाटेने किल्ल्याच्या माथ्यावर जाता येते गडावर आपल्याला तटबंदीचे व उध्वस्त दरवाजाचे अवशेष दिसतात. गडमाथ्यावर वाड्याचा चौथरा, एक कबर , हनुमानाची मूर्ती व एक कोरड पाण्याच टाक आहे. कन्हेरगडावरून दक्षिणेला खाली पाटणादेवीचे मंदिर दिसायला लागते, त्यामागे पितळखोरा लेण्यांचा डोंगर व त्याच्याही मागून डोकावणारा पेडका किल्ल्याचा माथा दिसतो. ------------------------------------------------------------------------------- आपल्या YouTube channel ला Subscribe करायला विसरू नका..... YouTube channel 👇   / @sagarnikamvlog   Instagram id 👉   / mrsaagar_   ------------------------------------------------------------------------------- पाटणादेवी व्हिडिओ भाग - 1    • | भारतातील सर्वात प्राचीन बौद्ध लेणी | पित...   पाटणादेवी व्हिडिओ भाग - 2    • | जंगल भटकंती धवलतिर्य धबधबा पाटणादेवी | P...   #Kanhergadfort #chalisgaon #sagarnikamvlog I hope you enjoyed this video 👍