Madaxweyne Xasan Sheekh oo ku dhawaaqay in dib u eegis lagu samaynayo Siyaasadda Somaliland

Madaxweynaha Jamhuuriyadda Federaalka Soomaaliya, Xasan Sheekh Maxamuud, ayaa ku dhowaqay go’aan muhiim ah oo ku saabsan xiriirka iyo siyaasadda dowladda Federaalka ee ku aaddan Somaliland iyo Gobollada Waqooyi. Madaxweynaha oo ka qayb galay munaasabad ballaaran oo ka dhacday Muqdisho, laguna maamuusayey 66-sano guuradii kasoo wareegatay Xorriyaddii Gobollada Waqooyi (26-ka Juun, 1960), ayaa sheegay inay dib u eegis weyn ku samayn doonaan siyaasaddooda ku wajahan Somaliland. "Siyaasaddeenna ku saabsan Somaliland iyo gobollada Waqooyi guud ahaan dib u eegis ayaan ku sameynaynaa, si aan u helno siyaasad ku qancin karta inay mar kale la midoobaan walaalahood," ayuu yiri Madaxweyne Xasan Sheekh. Madaxweynaha ayaa sidoo kale ka hadlay halgankii taariikhiga ahaa ee loo soo galay gobonimada, caqabadaha maanta hortaagan midnimada dalka, iyo sida ay muhiimka u tahay in meel loogu soo wada jeesto difaaca dowladnimada Soomaaliya. #XasanSheekh #Somaliland #26Juun #VillaSomalia #WararkaMaanta #Muqdisho #Soomaaliya #GobolladaWaqooyi