“E Diela Shqiptare” dhe “Fundjavë Ndryshe” bëjnë me shtëpi të re 17-vjeçaren

Denisa dhe familja e saj do të marrin dhuratën më të bukur për Vitin e Ri. Rubrika “Ka një mesazh për ty” nga “E Diela Shqiptare” në Tv Klan, bashkë me fondacionin “Fundjavë Ndryshe”, themeluar nga Arbër Hajdari, kanë mbledhur forcat për t’i ndërtuar një shtëpi të re 17-vjeçares. Vendi është piketuar dhe banesa do të jetë me dy dhoma gjumi, një kuzhinë e një sallon, të gjitha me kushte normale. Të themi që familja u emocionuan është pak, ata nuk mund ta besonin këtë “mrekulli”. Ardit Gjebrea: Bie një çikë shi, por është shiu bereqet. Dhe e dini përse është bereqet? Sepse Arbri ka piketuar shtëpinë tuaj të re. Denisa: Uau, shumë shumë faleminderit! Kjo është një mrekulli. Ne s’e imagjinojmë dot. E kishim pritur këtë ditë. Mamaja e Denisës: Ju faleminderit shumë! Ardit Gjebrea: Ju do të keni një shtëpi të re nga “Fundjavë Ndryshe”, me Arbrin. Arbër Hajdari: E falënderoj Arditin përmes mesazhit që morëm. Mesazhi jot nuk ishte vetëm i trishtë, por tregonte forcën e një vajze dhe mendoj që je model, je shembull, që e di që sapo të jepet mundësia në jetë, edhe ti do t’i shërbesh të tjerëve. Prandaj ne kemi vendosur që këtu të ndërtohet një shtëpi me dy dhoma gjumi, një kuzhinë, një sallon me kushte normale, që ti dhe familja jote të jetosh. Na vjen mirë që Zoti na përdori ne, për të të bërë ty një shtëpi dhe secili nga ne të japë kontributin e vet tek kjo banesë e re që do ndërtohet. Shpresojmë që ne të vijmë sërish këtu, bashkë me familje tënde dhe Arditin dhe drekën ta hamë në shtëpinë tuaj të re. Denisa: Shumë faleminderit, ju jemi shumë falënderues. Përpos shtëpisë, e cila ishte një surprizë shumë e bukur, Arbër Hajdari ka dhe një premtim për Denisën. Arbër Hajdari: Po të premtoj edhe diçka tjetër që, në momentin e parë që do të kesh nevojë të çosh përpara studimet e tua, ne do të na kesh në krahë dhe bursën, për shkollën, mund ta zgjedhësh në çdo fakultet që ti ke dëshirë. E rëndësishme është që ti ta vazhdosh shkollën, të bëhesh një studente e mirë dhe jam shumë i sigurt që ti do vazhdosh ta bësh sepse je vajzë e fortë. Denisa: Shumë faleminderit, ju jam mirënjohës. Në fund, moderatori i programit, Ardit Gjebrea, e mbyll rubrikën duke uruar familje për shtëpinë e re dhe duke vlerësuar Arbër Hajdarin për kontributin e madh. Ardit Gjebrea: Besoj se kjo ishte dhurata më e bukur që mund të merrnit për Vitin e Ri dhe unë jam i sigurt që keni solidaritetin e të gjithë telespektatorëve sepse unë gjithmonë them: “Të gjithë bashkë mundemi”. Dhe kur jemi të rrethuar nga miq të mirë, siç është Arbri, vërtet që ka kuptim i gjithë solidariteti ynë dhe që ndjehemi gjithmonë të lumtur, por edhe krenarë, kur kemi edhe djem si Arbri, të cilët japin një kontribut. Ishte impresionuese të dëgjonim që janë 550 shtëpi të ndërtuara nga “Fundjavë Ndryshe”. Janë 550 familje, që kanë gjetur paqe dhe stabilitet dhe për më tepër që Arbri e çoi dhe një hap më tej me bursën e studimit për ty, që ti të kesh mundësi dhe të vazhdosh studimet. Faleminderit dhe gëzuar! /tvklan.al #EDielaShqiptare nga #ArditGjebrea prej vitit 2008 në #TvKlan, programi më popullor në të gjitha familjet shqiptare çdo të dielë. Një program i cili përfshin një fashë orari maratonë, prej 6 orësh transmetim. SUBSCRIBE to “RTV KLAN” on YouTube for more videos! Për më shumë informacione vizitoni faqen tonë web https://tvklan.al/ Videot e fundit nga Tv Klan i gjeni në faqen https://tvklan.al/video/ Follow Tvklan on Facebook:   / tvklan   Follow Tvklan on Instagram:   / rtvklan   Programet e Tvklan mund t’i ndiqni edhe në faqen https://tvklan.al/programe/