Aksidenti tragjik me 4 viktima në Fushë-Prezë, dalin fotot e dy vëllezërve që u dogjën në automjet

Katër jetë të humbura është bilanci i aksidentit të rëndë të ndodhur në mesnatë në Fushë Prezë. Enejdi Laçi, Erildi Laçi, Enrikejd Kurti dhe Andi Laçi janë katër të rinjtë që u dogjën brenda automjetit me të cilin udhëtonin, pasi ky i fundit u përfshi nga flakët pas përplasjes me një betoniere. BalkanWeb ka siguruar foton e Eneid dhe Rildi Laçi, vëllezër me njëri- tjetrin. Mësohet se dy viktimat nuk kishin vëllezër apo motra të tjerë. Ndërkohë Andi Laçi, ishte kushëri i vëllezërve. Eneid Dhe Rildi Laci Aksidenti Ne Fushe Preze Sa i përket dinamikë së aksdidentit, gazetari Igli Çelmeta raporton se betonierja sapo ka dalë nga puna dhe është futur në rrugë pasi pranë vendit të ngjarjes është edhe pika e betoniereve. Betonierja ka qenë në lëvizje dhe Benzi ku udhëtonin katër të rinjtë ka ardhur nga pas dhe e ka goditur. Automjeti tip Benz ka qenë me impiant benzinë -gaz, që mendohet të jetë edhe shkau i shpërthimit të zjarrit menjëherë pas përplasjes. Betonierja ka qenë me shpejtësi të ulët, ndërsa dyshohet se automjeti me të cilin udhëtonin të rinjtë ishte me shpejtësi. Një detaj tjetër i rëndësishëm që mund të ketë ndikuar në aksident, është edhe fakti se rruga nuk ishte e ndriçuar e për pasojë të rinjtë mund të mos kenë arritur të shihnin betonieren. Ka qenë një patrullë policie ajo që ka konstatuar aksidentin duke njoftuar zjarrëfikësen e Fushë-Krujës, e cila e ka pasur të pamundur shuarjen e flakëve. Është dashur ndërhyrja e zjarrfikëses nga Tirana që kjo të bëhej e mundur. Tiranë/Informacion paraprak. Më datë 19.03.2025, rreth orës 23:50, në Fushë-Prezë, nga shërbimi i qarkullimit rrugor është konstatuar një automjet i cili kishte marrë flakë dhe para tij qëndronte një automjet betoniere. Nga hetimet e kryera me qëllim zbardhjen e ngjarjes rezultoi se automjeti drejtohej nga shtetasi E. L., 25 vjeç dhe dyshohet se është përplasur me automjetin betoniere të drejtuar nga shtetasi A. K., 24 vjeç, i cili pas aksidentit ishte larguar nga vendi i ngjarjes. Si pasojë e përplasjes dhe përfshirjes së automjetit nga flakët kanë ndërruar jetë drejtuesi i automjetit E. L., 25 vjeç dhe 3 pasagjerët në mjetin e tij E. L., 20 vjeç, E. K., 24 vjeç dhe A. L., 22 vjeç. Në vijim të veprimeve u shoqërua për veprime të mëtejshme drejtuesi i automjetit betoniere shtetasi A. K, 24 vjeç. Nën drejtimin e Prokurorisë vijojnë hetimet me qëllimin dokumentimin e plotë të ngjarjes. Subscribe në kanalin “News24 Albania” për më shumë lajme:    / news24albania   Website: https://www.balkanweb.com/ Ndiq News24 në Facebook: https://bit.ly/2K4vrI4 Ndiq News24 në Instagram: http://bit.ly/41waTOE Ndiq News24 në X:   / balkanwebcom   #news24albania #lajmeshqip #lajme #lajmifundit #News24AL #news24