غروب الشمس - علي ال شقير & فيصل بن تركي - اسمع اللي لاهرج كنه ايقدم شاذلية 2024 حصرياً

غروب الشمس - علي ال شقير & فيصل بن تركي - اسمع اللي لاهرج كنه ايقدم شاذلية 2024 حصرياً .. . إشترك في قناة الساطي الرسمية للحصول على أحدث إصداراته الفنية لـ التصميم رابط الواتس مباشر ⤵️ ‏https://api.whatsapp.com/send?phone=966502... تصميم الساطي - القناة الرسميه لمتابعة الساطي عبر سناب شات ‏https://t.snapchat.com/9VnVuhou #الساطي من غروب الشمس لين البدر ودّعني بضية ماهنالي نوم كيف الشعر يهنا في منامه استوا درب القصيدة والخطوط الشاعرية عاد خطّ الشعر ينسا ماسكة يمّن حزامه الشعر عندي مسوّيله من الحبّه قضية لين قمت اعمر بيوته بعد اذان وقبل اقامه ماكرهت الاّ مرور الوقت حزة مغربية ولا غبطت الاّ مصلّي فالحرم لابس احرامه لي ثلاث اشهور والنوم ايتلوّى في مجية السهر عنده وكاله والقلق شيّد خيامة كنّ في راسي مراكيض الجيوش التغلبية غاره ال عين الجليله غاره ال ثار اليمامه ماوعيت الا اني امراجع عيادة خارجية واستشاريًّ نجح بدراسته بكمل علامه قلت يادكتور كيف اعطيك امورن داخلية قلّ نوم وزود فكْر وشيّ خارج عن نظامه قال ذا تحليل سوّة بسّ راجعنا شويه ولا زم انسوي حجامه ثمّ قال امع السلامه بعد جيته شايل الاوراق بحروف اجنبية قلت يادكتور بشّر ما عطا غير ابتسامه قال دمّك يدعجاني ما مضالي دمّ زيه ولا طلع معنا دميّّ فاسدة وقت الحجامه قلت ذا دمي ودمً اللي فعايلهم قوية الدعاجين الدهاه اهل الكرم واهل الزعامة افخرو يا لادمفلح فالدميّ المفلحيه من قديم الوقت والتاريخ معطينا اهتمامه لا وقفنا ياقف التاريخ يكتبله وصية ولا مشينا فوق الارض اتقول ساقيها غمامه يوم اناظر فسمنا المكتوب فوق التابعية جامعً كل المفاخر والتغطرس والفخامه لاطرينا ياقف المدح ابفخر يصرف تحية خله ايصافح وحنا اجلوس عزالله مقامه بعد عيد الفطر ابه عيدً قبل عيد الضحية كيف ماسجل حضور و هاجسي يهدي سلامة عند ابو راكان ابا اجيب البيوت العالمية في حفل تركي وتركي ماليً راسه قرامه ان قصدت اقصد بقوّ الموهبه وخلاص نية كنّي القي لي قصيدة فالسلام و فاليمامة ان مدحت الرجل يطلع فوق حدّ الجاذبية وإن هجيت اكرم قصيدي ما طرا فيه الهلامة اسمع اللي لاهرج كنه يقدم شاذليه واترك اللي يمرضك فعله ويمرضك ابكلامه من يحاول يصنع امجاده بعدْسه دايرية مثل من يصنع سلاحة من جناحين الحمامه اعْرف اللي عرفه اعمى ما يوصّله الحوية واعْرف اللي عقله اقصر من عظام ً في بهامه واعْرف اللي وقفته تاخذ نظام المزهرية واعْرف اللي فزعته تقطع وساويس الرخامه واعرف اللي صدره اوسع من صدر نجد العذيه واعرف المتغيشم اذكى من يسولف بالفهامه المراجل ماتبا نفسً على الصمله رديّة ماتبا صدرً يروح اضيق من ار قبة النعامه خلّ قلبك من حديد وخل في راسك حميه وخلّك احزامً لبن عمّك ليا دوّر حزامه كان ما بيّنت راسك فالامور المفصلية جعل راسك للصداع وخشمك ايزيد اب زكامه حبّ خشم اللي يشوف انّ الصعايب عايديه واقفً من دون ظرفه واقف ابعزّ و كرامه