心肝寶貝（李坤城 詞／羅大佑 曲／林松樺 編曲）｜建國中學合唱團 Chien Kuo High School Choir

詞：李坤城 曲：羅大佑 編曲：林松樺 月娘光光掛天頂　嫦娥佇遐蹛 Gue̍h-niû kng-kng kuà thinn-tíng, Siông-ngôo tī hia tuà 你是阮的掌上明珠　抱著金金看 Lí sī gún ê tsiáng-siōng-bîng-tsu, phō tio̍h kim-kim khuànn 看你度晬　看你收瀾　看你咧學行 Khuànn lí tōo-tsè, khuànn lí siu-nuā, khuànn lí teh o̍h-kiânn 看你會走　看你出世　相片一大疊 Khuànn lí ē-tsáu, khuànn lí tshut-sì, siòng-phìnn tsi̍t tuā tha̍h 輕輕聽著喘氣聲　心肝寶貝囝 Khin-khin thiann tio̍h tshuán-khuì-siann, sim-kuann pó-puè-kiánn 你是阮的幸福希望　斟酌共你晟 Lí sī gún ê hīng-hok hi-bāng, tsim-tsiok kā lí tshiânn 望你精光　望你才情　望你趕緊大 Bāng lí tsing-kong, bāng lí tsâi-tsîng, bāng lí kuánn-kín tuā 望你古錐　健康活潑　毋驚受風寒 Bāng lí kóo-tsui, kiān-khong hua̍t-phuat, m̄-kiann siū hong-kuânn 鳥仔風吹　攏總會飛　到底為啥物 Tsiáu-á hong-tshue, lóng-tsóng ē pue, tàu-té uī-siánn-mih 魚仔船隻　攏是無跤　按怎會徙位 Hî-á tsûn-tsiah, lóng-sī bô kha, án-tsuánn ē suá-uī 日頭出來　日頭落山　日頭對佗去 Ji̍t-thâu tshut-lâi, ji̍t-thâu lo̍h-suann, ji̍t-thâu tuì tó khì 春天仔的花　愛食的蜂　伊是佇佗位 Tshun-thinn-á ê hue, ài tsia̍h ê phang, i sī tī tó-uī 鳥仔有翼　風吹有線　才會天頂飛 Tsiáu-á ū si̍t, hong-tshue ū suànn, tsiah-ē thinn-tíng pue 魚仔有尾　親像行船　希望著愛揣 Hî-á ū bué, tshin-tshiūnn kiânn-tsûn, hi-bāng tio̍h-ài tshuē 日頭出來　日頭落山　日子攏按呢過 Ji̍t-thâu tshut-lâi, ji̍t-thâu lo̍h-suann, ji̍t-tsí lóng án-ne kuè 花謝花開　天暗天光　仝款的問題 Hue-siā hue-khui, thinn-àm thinn-kng, kāng-khuán ê būn-tuê