Чаткал: Аксакал менен "активисттин" чатагы

Чаткалдык 72 жаштагы Тажымат Мамадиев аялы Айнура Корчуева экөө жергиликтүү тургун Доорбек Смаиловдон токмок жеп, жабыркаганын айтууда. Алар бул окуя боюнча 2021-жылы милицияга арыз жазган. Тажымат Мамадиевдин милицияда иштеген уулунун айтымында бул иш тергөөдө кыскарып кеткени билинип калып, кийин кайра тергелип отуруп сотко өткөн. Карыяны урду деп шек саналып жаткан Доорбек Смаиловдун кыймыл-аракетине нааразы болгон айыл тургундары президентке чейин кат жолдогон. Алар Доорбек Смаилов өзүн "активистмин" деп тааныштырып, мыйзамга жат иш-аракеттерге барып жатканын белгилешти. Смаилов болсо айылдыктардын дооматтарын четке кагып, мындай жалаа артында Мамадиевдин милицияда иштеген уулу жана аймактагы алтын казган компаниялардын жетекчилери турганын айтууда. _________________________________________ Биздин сайт - https://www.azattyk.org/​ Instagram -   / ​     / ​   Фейсбук -   / azattyk.org​     / azattyk​   Ютуб -    / @azattykradiosu   Телеграм - https://telegram.me/Azattyk_radiosu​ https://t.me/azattykrus