MHASHAMU ASKOFU MKUU KINYAIYA AWAPATIA MASISTA WA MARIA ENEO LA KUJENGA SHULE YA WAVULANA DODOMA

ASKOFU MKUU wa Jimbo kuu katoliki la Dodoma ,mhashamu Beatusi Kinyaiya OFM Cap ametaka jamii kuacha tabi ya uharibifu wa mazingira kwa kujiepusha na vitendo vya ukataji miti na uchomaji misiti badala yake wayapende na kuyatunza. ASKOFU mkuu Kinyaiya ametoa Rai hiyo hivi karibuni Jimboni Dodoma katika Ibada ya misa takatifu iliyokuwa na lengo la kuzindua na kubariki eneo alilolitoa kwa ajili ya shule ya wavulana wanaotoka katika itakayosimamiwa na masista wa Shirika la Maria kutoka Uphilipino kwaajili ya kujenga shule ya Sekondari ya wavulana. Askofu mkuu Kinyaiya amesema kuwa sio jambo la busara kwa jamii kuharibu mazingira kwa kukata miti hovyo na kuchoma misitu badala yake wapende mazingira kwa kupanda miti,na pia ametaka masista hao wapande miti pale ujenzi wa shule utakapokamilika. Akizungumzia ujio wa masista hao, amesema kuwa awali masista hao walikutana na Askofu mkuu Rugambwa kijana mtanzania anayefanya kazi kwenye ubalozi nchini Uphilipino ambapo alifurahishwa na matendo mema ya masista hao walijenga shule nchini hapo, kwaajili ya wavulana na wasichana wanaoishi katika mazingira magumu. Kutokana na hali hiyo aliwaalika waje nchini Tanzania kwaajili ya kujenga shule ambapo wakafanikiwa kufanya hivyo Wilayani Kisarawe mkoani Pwani. Mhashamu Askofu Kinyaiya ameeleza kuwa aliwasiliana na masista hao ambao aliwakaribisha Jimboni Dodoma ili aweze kuwapatia eneo la Kikombo kwa lengo la kujenga shule Ya wavulana wanaoishi katika mazingira magumu ambayo itaitwa St.Mery Boys Town Complex. Askofu mkuu Kinyaiya amewashukuru masista hao kwa kufika Dodoma na kuja kufanya utume na kueleza kuwa Jimbo litakuwa nao bega kwa bega katika kuifanya kazi ya Mungu.