Top Channel/ Mikrofonat “tradhtojnë” liderët e G7, Trump: Më braktisët

Ndërsa liderët e vendeve më të industrializuara të botës po diskutonin këtë javë në samitin e G7-ës disa prej çështjeve më të rëndësishme globale, mikrofonat e hapur kanë kapur edhe biseda krejt të zakonshme, larg temave zyrtare: sportin, duhanin, motin dhe madje edhe një koment të paqartë për Groenlandën. Takimi po zhvillohej në një resort buzë liqenit në Francë, pranë kufirit me Zvicrën, ku pajisjet audio të vendosura për konferencat zyrtare regjistruan herë pas here edhe shkëmbime spontane mes liderëve. Një nga momentet më të komentuar u regjistrua kur kancelari gjerman Friedrih Merz e pyeti kryeministren italiane Giorgia Meloni nëse kishte pirë cigare atë mëngjes. Meloni u përgjigj se nuk kishte pirë duhan “që nga 1 maji”, duke zbuluar kështu se kishte hequr dorë nga zakoni. Ky vendim u prit me urime nga disa prej liderëve të pranishëm, përfshirë përfaqësues të Kanadasë, Mbretërisë së Bashkuar, Japonisë dhe Bashkimit Evropian. Kryeministri kanadez Mark Carney e shoqëroi momentin me humor, duke pyetur: “A po përdor ndonjë flaster nikotine?” Tjetër moment pikant ishte edhe biseda e Melonit me Donald Trump. Presidenti i Këshillit Evropian Antonio Costa pyeti kryeministren italiane në lidhje me Trumpin: "A jeni përsëri miq?". Përgjigja e saj ishte: “Ne kemi qenë gjithmonë miq” Por shefi i shtëpisë së bardhe u përgjigj shumë serioz: “Më kanë braktisur”. Meloni më pas reagoi menjëherë: “Jo, kjo nuk është e vërtetë”. Në një tjetër pjesë të takimit, futbolli u bë temë e natyrshme bisede mes liderëve, sidomos në kontekstin e Kupës së Botës që po zhvillohet në SHBA, Meksikë dhe Kanada. Presidenti francez Emmanuel Macron dhe të tjerë diskutuan për ndeshje të ndryshme, ndërkohë që presidenti amerikan Donald Trump e zhvendosi bisedën te një event i arteve marciale të përziera të zhvilluar në Shtëpinë e Bardhë, duke folur me admirim për Dana White. Në një moment tjetër, kryeministri britanik Keir Starmer vlerësoi barazimin surprizë 0-0 të Kepit të Gjelbër ndaj Spanjës, duke e cilësuar “vërtet të jashtëzakonshëm”. Një tjetër moment që tërhoqi vëmendje ishte një bisedë mes Donald Trump dhe presidentit të Këshillit Evropian António Costa. “A e kupton?” u dëgjua të thoshte Trump, përpara se të ndalonte dhe të shtonte: “Groenlanda, e kam fjalën për Groenlandën. Kupton apo jo?” Gjatë ditës u regjistruan edhe situata më të lehta, përfshirë një moment kur u vu re se Emmanuel Macron kishte lënë orën pas gjatë një dreke pune. Mark Carney e vuri re i pari dhe tha: “Ej, ai ka lënë orën këtu. Orën e tij e kemi ne.” Trump ndërhyri me humor: “Më jepeni mua nëse e ka lënë,” duke shkaktuar të qeshura mes të pranishmëve. Samiti solli edhe shkëmbim dhuratash simbolike. Emmanuel Macron u dhuroi të gjithë liderëve biçikleta të personalizuara, në kuadër të promovimit të Kampionatit Botëror të Çiklizmit që do të zhvillohet vitin e ardhshëm në Alpet Franceze. Nga ana tjetër, Friedrich Merz i dhuroi Donald Trump një fanellë të kombëtares gjermane me emrin e tij dhe numrin 47. Trump e pranoi dhuratën me buzëqeshje dhe e vendosi mënjanë për fotografi, ndërsa Merz më vonë publikoi një foto në rrjetet sociale me mesazhin: “Në fund të fundit, ne jemi në të njëjtin ekip.” Pamjet: AFP Departamenti i Informacionit, më i madhi, më kryesori në Top Channel, i cili shënoi fillimin e televizionit me edicionin e lajmeve në 20 dhjetor 2001. Përmes informacioneve të shpejta, të sakta dhe të thelluara, reportazheve dhe rubrikave të tjera informative, Top Channel është kthyer në burimin kryesor dhe me prestigjioz të informimit të të gjithëve në Shqipëri, në hapësirën mbarëshqiptare dhe kudo tjetër në botë ku shqiptarët jetojnë. Top Channel është i pranishëm me kamerat dhe gazetarët e tij në të gjitha ngjarjet më të rëndësishme të vendit dhe në botë, me edicionet e tij informative. Për më shumë vizitoni: http://top-channel.tv/ Subscribe to "Top Channel" on YouTube Channel for NEWS and TV Shows HERE: http://bit.ly/2Y15KwK For more content from click HERE: www.top-channel.tv Like Top Channel on Facebook HERE: http://bit.ly/2FglWTs Follow Top Channel on Instagram HERE: http://bit.ly/2uaYG2U Follow Top Channel on Twitter HERE: http://bit.ly/2TJndeH #G7#Trump#TopChannelNews