Кыргыз оппозициясы кризистеби? (3)

Улуттук оппозициялык кыймыл экс-депутат, "Ата-Журт" партиясынын лидери Камчыбек Ташиевди бийликти колдоду деген жүйө менен катарынан чыгарды. Ал эми Ташиевдин тарапкерлери аны кыймылдан чыгаруу маселесинде кыймылдын бардык мүчөлөрүнүн пикири эске алынганбагандыгын айтып жатышат. Эсиңиздерге сала кетсек, бир айдан ашык убакыт мурун бийликти сындап жүргөн оппозициялык маанайдагы саясатчыларга элчилик кызматтар сунушталган. “Ыңгайсыз суроолор телепрограммасынын бул жолку чыгарылышында соңку саясий жүрүштөр, өлкөдөгү коомдук саясий кырдаал туурасында сөз болду. Талкууга - Түрк тилдүү мамлекеттердин кызматташуу Кеңешинин башкы катчысынын орун басары Адахан Мадумаров, “Ата-Журт” партиясынын лидери, экс-депутат Камчыбек Ташиев жана Жогорку Кенештеги эркин депутат, Улутук оппозициялык кыймылдын лидери Равшан Жээнбеков катышты.