جفران بن هضبان 🔥👏🏻 بني هاجر وقحطان محزم يسر العين 🔥 مهداة للمرشح خالد بن سريّع الهاجري 2022

مهداة للمرشح خالد سريّع الهاجري كلمات عايض مبارك الهاجري اداء جفران بن هضبان تنفيذ بصمة الابداع ابيات الشيلة : انا البارحه مامسيت يوم العرب ممسين تجاذبني ابيوت القصيده واجاذبها من الدايري الاول الى شارع الستين اطوف المواتر والمطبات احاسبها معي فكرتن تمسي وتصبح لها يومين وانا شاعرن ماكل الافكار يكتبها ادور على شرد بيوت القصيد الزين قبل لابدع ابيوت القصيده وارتبها انا شاعرن مانيب شاعر ببو بيتين ليا جت مواجيب القبيله اوجبها بني هاجر وقحطان محزم يسر العين هل الوقفه اللي كل الانظار ترقبها على الخيل فرسان وعلى المعركه شرهين تزيح اخصماها فالمعارك وتدبها لاقامو مقامن مثل قومة صلاح الدين تتعب كبار القوم ومحدن يتعبها تصافو على الكرسي وقومو من الصوبين قبل ساعة الميعاد تاقف عقاربها ولات امرنا ماقصرو جعلهم حييين عطونا مطالبنا وجينا نقوم بها شبعنا من الافلام والككذب والتخمين وسراق مال العام واللي مصاحبها مشاريع دولتنا لها حول عشششر سنين مازانت واذا زانت يجي من يخربها فلا تتبعون الكاذب الخايب المسكين لعب لعبته لكن على مين يلعبها على ناخبين الخامسه لختيار الحين نبي اللي ليا جات الدعاوي يفوز بها مطالب حقوق الشعب واسقاط قرض الدين حقوق المواطن كلها مايجنبها يشل الخطا ويحط تحت الخطا خطين لاشاف العذاريب الكبيره يعذربها ترى الصوت امانه والامانه عهد وودين عطو الحصان اللي نهض وانتهض وابهى شجاع وصميدع راس وأنسان خلق ودين من أنبل رياجيل القبيله ومن أطيبها على ابوسريع ندبل الصوت والصوتين يصادم وجيه اهل الفساد ويحاربها حشرهم حشر خالد على زاوية تسعين وخلا الثعالب تبتلش في ثعالبها تقدم يابوسريّع وحنا معك ماشين ترانا على هقواتك اللي هقيت ابها يجونك عيال مضيم بالعسر والا اللين هل الماقف المشهود من عهد شايبها قبل حكم اخو نوره يجي نخله وسيفين فعلنا مخلد شششرق الارض ومغاربها تنومس وربعك كلهم فاللقاء شرسين مدام ان حاضرها يسولف لـ غايبها على شاشة التلفااز بكره تشوف العين تجيك النتايج قدم الاعدا وترعبها .. للتواصل والاستفسارات : الحسابات الرسمية لـ قناة بصمة الابداع . ‏Official Whatsapp : الرابط محادثة الواتساب المباشر : https://wa.me/message/4GKUGHJQFDZTC1 +966562778026 ‏Official Twitter :   / ms3d505   ‏Official Instagram :   / 2.q76   ‏Official Snapchat :   / ms3d.505   ـــــــــــــــــــ