ثحبولت المرقة او مشوشة المرقة وصفة تقليدية قديمة جزائرية على الطريقة القبائلية

ثحبولت المرقة او مشوشة المرقة وصفة تقليدية قديمة جزائرية على الطريقة القبائلية مكونات المرقة و طريقة التحضير :1 بصل كبيرة مقطعة قطع صغيرة 1جزر مقطعة قطع متوسطة – 1 طماطم مسكرفجة 4 فصوص ثوم مسكرفجة –قليلا من الزيت –ورقة رند- 1كورجيت مقطعة قطع صغيرة- 1بطاطس مقطعة صغيرة – 2لفت صغيرة مقطعة قطع صغيرة . نحط في طنيجرة شوية عريضة كمية من الزيت ونضيف كل المكونات تع المرقة و نقليهم 5 دقائق تقريبا ثم نضيف التوابل : فلفل اسود مرحي- تابل المتوم – راس الحنوت- فلفل عكري(أحمر)-1 م ك طماطم مصبرة-. نخلط الكل ثم نمرق بالماء الساخن يغلي وندير الملح على حساب الذوق. المشوشة مكونات : 5 بيض- 5 م ك زيت – نص كيس خميرة كيميائية – 5 م ك سميد متوسط (سيم تع 2 كلغ) – 3 م ك سميد رقيق – ملح . طريقة التحضير: نكسر البيض و نضيف لهم 5 م ك زيت و الملح و نخلطهم شويا بالفووي اليدوي ثم نضيف 5 م ك سميد متوسط (سيم تع 2 كلغ) و3 م ك سميد رقيق ونص كيس خميرة كيميائية و نخلط بالفووي ونترك الخليط يرتاح قليلا (5د).نحط المقلة تسخن و ندير الزيت ثم نفرغ فيها الخليط و نقس النارونغطيها .كي تطيب من الوجه الأسفل نقلبها ونرجعها فالمقلة ونردلها الزيت و نزيدلها شويا و نخليها تطيب على نار هادئة .من بعد ما تطيب نقطعها على 4 ونحطها فالمرقة تزيد تطيب 15دقيقة.