Armë dhe eksploziv në qarkullim, 9 të arrestuar në total! 'Çmontohet' rrjeti kriminal në Tiranë

Policia e Tiranës ka finalizuar operacionin e koduar “Rrjeti”, i zhvilluar nga Komisariati Nr. 4 në bashkëpunim me Prokurorinë e Tiranës, me objektiv goditjen e një grupi kriminal që merrej me shitjen e armëve të zjarrit, lëndëve plasëse dhe municionit luftarak në kryeqytet. Si rezultat i operacionit janë arrestuar 4 shtetas, ndërsa 2 të tjerë janë shpallur në kërkim. Sipas policisë, gjatë hetimeve dhe ndërhyrjeve të kryera në disa faza, në total janë vënë në pranga 9 persona dhe janë sekuestruar 17 armë zjarri, 4 kallëpë lëndë plasëse, sasi e konsiderueshme municioni luftarak, 4 automjete dhe 13 aparate celularë. Në kuadër të hetimeve të fundit, me urdhër të Prokurorisë së Tiranës u ndaluan shtetasit M. V., 35 vjeç, E. M., 25 vjeç, F. Z., 29 vjeç dhe K. B., 32 vjeç. Ndërkohë, në kërkim janë shpallur K. V., 21 vjeç dhe B. A., 28 vjeç. Hetimet kanë zbuluar se të dyshuarit, të organizuar si grup kriminal, siguronin dhe shpërndanin armë zjarri, eksploziv dhe municion në zona të ndryshme të Tiranës. Në total, gjatë gjithë operacionit janë sekuestruar 7 armë zjarri (4 pistoleta dhe 3 automatikë), si dhe prova të tjera materiale që pritet të shërbejnë për zbardhjen e plotë të aktivitetit kriminal. Policia bën me dije se hetimet vijojnë për identifikimin e personave të tjerë të përfshirë në këtë rrjet, si dhe për dokumentimin e plotë të veprimtarisë së tij kriminale. SUBSCRIBE to "RTV KLAN" on YouTube for more videos! Për më shumë informacione vizitoni faqen tonë web https://tvklan.al/kategoria/klan-news/ Follow Klan News on Facebook:   / klannews   Follow @klannews on Instagram:   / tvklannews   #KlanNews #KlanNewsLajme #TvKlan