53km ක් දින දෙකෙන් පහලට... පළමු කොටස EBC to dingboche, 10th video

"දැන් යන්න එපා...16km ක් තියෙනවා.. ඒක විශාල මංමුලා වෙන තරම් තැනිතලාවක්" හවස පහ වෙනකොට ගල්ගැහෙන තරම් සීතලේ එවරස්ට් බේස් කෑම්ප් සිට තුක්ලා සොහොන දක්වා ආපසු පහලට ආව අපිට, එතන හිටපු ෂර්පාවරයෙක් අනතුරු ඇඟෙව්වා.. ආත්ම විශ්වාසයද, මෝඩකමද කියන එක තවම නොතේරුණත්, හෙඩ් ටෝච් දෙක ඔලුවේ ගහගෙන අන්තිමට ඉතුරු වෙලා තිබුන චොකලට් භාගයත් කකා අපි දෙන්නා dingboche දක්වා පිටත් වුනා.. dingboche වලට ලං වෙද්දි ගොඩක් රෑ වෙලා... සුන්දර අමාඩබ්ලම් කඳු මුදුන පෙනෙන තරමටම ලස්සනට හඳ පයලා හිම ඇතිරූ මංපෙත වැටී තිබුන මුළු තැනිතලාවම එළිය වෙලා තිබුණා... හඳ එළිය, අමාඩබිලම් කඳු මුදුනේ හිම වලට වැටිලා තියෙන ෆොටෝ එකක් සෑහෙන දැඟලීමකින් පස්සේ ගත්ත මල්ලි මට ඒක පෙන්නලා කියනවා... "මේක නම් මාරයි" ඇත්තටම ඒක මාරයි නෙමෙයි... මාරම මාරයි.. එවරස්ට් කන්ද දක්වා සංචාරය කරන අයගේ රූප කතා මාලාවක, හඳ පායන රෑක අමාඩබ්ලම් දිහා බලාගෙන dingboche දක්වා ආපසු පහලට.යනකොට තියෙන සුන්දරත්වය ආවරණය වෙනව මම නම් දැකලා නැහැ... අද මේ රූප කතා මාලාව.. එවරස්ට් බේස් කැම්ප් සිට දින දෙකෙන් ආපසු පහළට බැස්ස ගමනේ පළමු රූප කතා මාලාව...