[Rico’s Vlog] 金澤市內自由行必睇！帶你用對腳行圈，唔係淨係得金箔，景點、美食、歷史、藝術一條片睇晒！

大家好，我係力高！今日我身處喺石川縣金澤市，打算撇開晒啲交通工具，純粹用對腳喺市內行個圈，帶大家用最貼地去識吓呢個地方。呢個行程老少咸宜，由朝早喺近江町市場「祭旗」食魚生飯開始，再帶大家去金澤城公園同兼六園，領教吓咩叫日本頂級嘅「園林管理學」。之後我哋會捐入21世紀美術館個「池底」，感受嗰種又熱又焗但又極具衝擊嘅錯覺藝術。最後，我哋會穿梭喺幾條茶屋街，特別係最出名嘅東茶屋街。到底呢度係古代夜總會定係文化遺產？點解當年啲有錢大佬肯燒錢入嚟玩「心理博弈」？沿途仲有武家屋敷嘅陶瓷藝術、尾山神社嘅建築魅力，同埋絕對唔可以錯過嘅地道拉麵同米粉疏乎厘！想知金澤有乜好嘢？即刻睇片！ 【本集重點資料補充】 • 21世紀美術館《泳池》 (The Swimming Pool)： 係由阿根廷藝術家 Leandro Erlich（林德羅·厄利什）喺 2004 年創作嘅。佢最擅長玩『視覺錯覺』，呢個作品其實只係喺透明玻璃上面鋪咗大約 10 厘米深嘅水，下面其實係一個中空嘅藍色空間。藝術家嘅意念係想打破人與人之間嘅隔閡。當你喺池面望落去，你會見到下面有人喺度行，好似幻覺咁；當你喺池底望返上去，你會見到池邊嘅人好似變咗水底生物。佢想透過呢種視覺錯覺，令到陌生人之間產生互動，一齊參與呢場『空間遊戲』。 • 東茶屋街 (Higashi Chaya District)： 建立年份： 1820 年（文政 3 年）。江戶時代規定一般民居只能蓋一層樓，但「茶屋」係特許可以蓋兩層，所以呢度嘅二樓建築喺當時係極之豪華嘅象徵。呢度喺 2001 年被列為日本「重要傳統建築群保存地區」。 想知更多日本冷門餐廳或者美食歷史？記得訂閱我個 Channel，開埋個小鈴鐺呀！ #金澤 #石川縣 #力高 #近江町市場 #兼六園 #21世紀美術館 #東茶屋街 #日本旅行 #美食歷史 #YouTuber #金澤景點 #藝妓文化