Yağış, yoxsa normadan artıq məmur biganəliyi?

Bu dünyada çox şeyləri yağış yuyur, gün qurudur. Bu həftə Bakını yağış yudu da, gün qurutdu da. Amma Bakını yağışa təslim edənlərin günahını nə yağış yuya biləcək, nə də gün quruda. Bakı bu həftə bəlkə də tarixinin ən acı günlərini yaşadı. Gölü xatırladan küçələr, axan çaya bənzəyən tunel və körpülər, suyun içində qalan evlər və maşınlar, çarəsiz sakinlər. Vəziyyəti daha da faciəvi edən 2 nəfərin ölümü oldu. Mənzərənin qısa adı belə idi – Bakı suda boğuldu. Normadan artıq yağan yağış normadan artıq olan məmur biganəliyini üzə çıxartdı. Bəlkə hər şeyi yağıntının üstünə atmayaq? Məsələn, Bakı Şəhər İcra Hakimiyyətinin başçısı Eldar Əzizov dedi ki, ola bilər, bəzi nöqsanlara yol verilib. Yaranan vəziyyət göstərdi ki, bəzi yox, çox nöqsanlara yol verilib. Keçmişdə yol verilən nöqsanlar niyə indiyədək aradan qalxmayıb? Məsul qurumlar payızın yağışına hazır deyilsə, qışın qarında nə edəcəklər görəsən? Yəqin ki, bu suallara Nazirlər Kabinetində vəziyyətlə bağlı keçirilən iclasda da cavab axtarıldı. Həftə ərzində bir çox qurumlarla əlaqə saxladıq. Gəldiyimiz qənaət bu oldu: vəziyyəti düzəltmək üçün Bakı sökülüb yenidən tikilməlidir. Bu o deməkdir ki, bundan sonra yağışdan qorunmaq üçün ancaq çətir yox, çox vasitəyə ehtiyacımız olacaq. Göründüyü kimi, su həmişə aydınlıq olmur. Bizi İzləyin: Whatsapp: https://whatsapp.com/channel/0029Va8Q... Facebook:   / ictimai.tv   Instagram:   / ictimaitv.official   Teleqram: https://t.me/tvictimai Sayt: https://itv.az/ Copyright © İCTİMAİ TV #itv #ictimaitv #video #televiziya #baku #videolar #sondakika #video #gündem #news #sondeqiqe #sondəqiqə #gündem #news #keşfet