پارتەکانی ڕۆژهەڵاتی کوردستان؛ لە مێژووی چەپەوە بۆ ئایندەی فیدراڵیزم لە ئێران

لە  ئەڵقەی دووهەمی زنجیرە پرۆگرامی  فڕۆنتلایندا،  دکتۆر کاردۆ کەریم ڕەشید، میوانداری پڕۆفیسۆر فەرەیدوون ڕەحمانی (کۆمەڵناسی سیاسی و ئەندامی کۆمیتەی زانستی لە زانکۆی یۆرک - کەنەدا)، پێکەوە  تیشک دەخەنە سەر پۆلێنکردنی مێژوویی، ناسنامەی فیکری و ئایدۆلۆژیای هێزە سەرەکییەکانی ڕۆژهەڵاتی کوردستان (حزبی دیموکرات، کۆمەڵە، و پژاک). هاوکات، بەرنامەکە شیکاری بۆ ئامادەیی نوخبەی سیاسیی ناوەند (فارس) دەکات بۆ قبوڵکردنی سیستەمێکی نامەرکەزی، و خوێندنەوە بۆ سیناریۆکانی ئایندەی ئێران و پێگەی کورد لە نەخشەی نوێی ناوچەکەدا دەکات. تەوەرە سەرەکییەکانی گفتوگۆکە ·       ڕیشەی فیکری و گۆڕانی ئایدۆلۆژی: پۆلێنکردنی مێژوویی پارتەکانی ڕۆژهەڵات و چۆنیەتی گواستنەوەیان لە فیکری چەپ و ماوئیزمەوە بەرەو سۆسیال دیموکراسی و لیبرالیزم. ·       پارچە پاربوون و داینامیکیەتی ناوخۆیی: جیاوازیی پێکهاتەیی نێوان پارتە مێژووییەکان (Grassroots) و پارتە نوێیەکانی وەک پژاک، و کاریگەریی ئەم جەمسەرگیرییە لەسەر شەقامی ڕۆژهەڵات. ·       نوخبەی ناوەند و سیناریۆکانی ئایندەی ئێران: ئاستی قبوڵکردنی فیدراڵیزم لەلایەن نوخبەی ده‌سه‌ڵاتخوازی فارس و خوێندنەوەی بژاردەکانی "بەعێراقیکردن" یان "باڵکانیزەکردنی" ئێران. #ناوەندی_توێژینەوەی_سبەی #فڕۆنتلاین