Partangiangan Seksi Lansia dan Ina Naomi HKBP Cimahi Sisingamangaraja 17 Juni 2020

PARTANGIANGAN SEKSI LANSIA DAN INA NAOMI HKBP RESSORT CIMAHI JL. SISINGAMANGARAJA Rabu, 17 Juni 2020 Pkl. 10.00 WIB Topik : “Unang Holsoan” Pengkhotbah: Pdt. Bernadi Lumbantobing, S.Th., TURPUK : MATEUS 6 : 25-34 6:25 Ala ni i do umbahen na hudok tu hamuna: Unang holsohon hamu hosamuna sumarihon sipanganon, manang dagingmuna pasarisari parabiton! Nda ummarga hosa sian sipanganon? Nda ummangat daging sian parabiton? 6:26 Bereng hamu ma pidong angka na martongatonga langit, angka na so manabur, na so manggotil, na so papunguhon tu sopo; tong do diparmudumudu Amamuna na di banua ginjang i nasida! Nda godang dope hasurunganmuna sian i! 6:27 Ise hamu marhuaso pagandahon ariarina nanggo saasta ganjangna, anggo tung sian pangkolsohon ni rohana? 6:28 Boasa antong holsohononmuna parabiton! Patangkas hamu ma partubu ni bungabunga na di ladang i, angka na so mangula jala na so mangganti! 6:29 Ahu mandok tu hamuna: Gari si Salomo, uju di bungaran ni hasangaponna i ibana, gari so mamangke songon bungabunga sada. 6:30 Asa molo songon i diparulosi Debata duhutduhut na di ladang i, na jongjong songon sadari on, na tupa dipuruni marsogotna i, lam hamu ma, lam so parulosanna! Oe hamu siotik haporseaon! 6:31 Antong unang ma holsoan rohamuna, mandok: Aha ma panganonnami? Aha ma inumonnami? Aha ma parabitonnami? 6:32 Angka sipelebegu do mangkaringkothon saluhutna sisongon i. Diboto Amamuna na di banua ginjang i do, naung ringkot angka i di hamu. 6:33 Sai jumolo ma lului hamu harajaon ni Debata dohot hatigoranna, dung i tambahononna do sude angka ondeng tu hamuna! 6:34 Antong, unang ma holsohon hamu ari marsogot, ai sarihonon ni ari marsogot do na ringkot disi. Sae do, molo masiporsan hasusaanna be angka ari. Horas ma di hita saluhutna Tuhan Yesus Memberkati. #Sermon #Partangiangan #SeksiLansia #InaNaomi #HKBP #UnangHolsoan