Sulmi në Banjskë, Haradinaj: Terroristët kishin këtë plan, me situatën e re të krijuar...

#Opinion | Emision politik live nga #BlendiFevziu në #TvKlan Ish-kryeministri i Kosovës, njëkohësisht kreu i AAK-së, Ramush Haradinaj, tha se formacioni që sulmoi në Banjskë ishte terrorist dhe i mbështetur nga Serbia. “Serbia është sponsor i terrorizmit”, tha Haradinaj. Ai u shpreh se e gjithë ngritja e operacionit ka qenë ushtarak. “Këta e kanë ngritur këtë operacion pëgjatë kohës. Nuk është se të gjithë kanë ardhur në të njëjtën kohë. Kanë ardhur pjesë-pjesë. Mendoj se shtabi dhe komanda e tyre ka ardhur këto ditë. Plani i tyre ka qenë një vendosje në terren dhe një zotërim i terrenit. Këta në një moment të caktuar kanë pasur me e shpallë prezencën e tyre si një krah luftarak... I gjithë ky skenar është i përgatitur për të shpallur një ditë prezencës e tyre publike në veri”, u shpreh Haradinaj. Blendi Fevziu: Serbia po përpiqet të krijojë një situatë të ngjashme me atë që u krijua gjatë UÇK-së në Kosovë? Po tenton të bëjë një paralelizëm mes të dyjave? Ramush Haradinaj: E pamundur të krahasohet! Blendi Fevziu: E pamundur sepse popullata serbe nuk doli në asnjë moment t’i mbështeste mesa pashë unë. Ramush Haradinaj: E pamundur të krahasohet, por plani i tyre me gjasë këtë kanë pasur qëllim, me e deklaru prezencën e vet ende pa shkëmbim zjarri, ende pa luftime me forcat e sigurisë së Kosovës. Mirëpo në këtë rast policia ka vepruar me shpejtësi. Në momentin e parë që ata kanë vepruar, që ka qenë një bllokim rruge. Haradinaj tregoi edhe si ka rrjedhur dinamika e ngjarjes. Sipas tij ballafaqimi i parë ka ndodhur në orën 3:10 të mëngjesit. Ka qenë një patrullë e zakonshme që është hasur me barrikadën e parë. “Mendoj se koha e mobilizimit dhe koha e arritjes në vendin e ngjarjes ka qenë në favor të policisë”, tha ai. Ramush Haradinaj: Është vërtetë një sukses sepse nuk ka as të gërvishtur të popullit civil. Nuk ka asnjë dëm kolateral në shkëmbim zjarr dhe ka disa sulmues të vrarë, për 4 janë konfirmuar, por flitet për më shumë, por që janë fshehur trupat e tyre. Blendi Fevziu: Janë vrarë me snajper Haradinaj? Ti e di më mirë sesa të tjerët. Ramush Haradinaj: Distanca ka qenë e afërt. Është e mundur edhe me armë zjarri të gjata, por edhe me snajper. Blendi Fevziu: Si shpjegohet që ky grupim u mbyll në një manastir? U mbyll për të shpëtuar apo ata kishin një plan? Ramush Haradinaj: Mendoj se nuk kishin një urdhër të qartë veprimi në këtë situatë. Nuk kishin urdhër qartë veprimi në situatën e re të krijuar. Dikush, komanduesi i tyre që mundet nuk ka qenë në terren, pra në Beograd nuk u ka dhënë autorizimet e qarta të veprimit më tej. Rezultoi që ata nuk e aktivizuan të gjithë arsenalin e armëve që kishin./tvklan.al Emisioni politik më i ndjekur dhe më i preferuar në ekranet shqiptare. “Opinion” vjen në katër takime çdo javë – e hënë, e martë, e mërkurë dhe takimi tradicional i të enjtes mbrëma. SUBSCRIBE to “RTV KLAN” on YouTube for more videos! Për më shumë informacione vizitoni faqen tonë web https://tvklan.al/ Videot e fundit nga Tv Klan i gjeni në faqen https://tvklan.al/video/ Follow Tvklan on Facebook:   / tvklan   Follow Tvklan on Instagram:   / rtvklan   Programet e Tv Klan mund t’i ndiqni edhe në faqen https://tvklan.al/programe/