🔵KAULI YA SIMAI BUNGENI SIO MSIMAMO WA CCM - MAGANYA

Mwenyekiti wa Jumuiya ya Umoja wa wazazi wa Chama cha Mapinduzi CCM Fadhili Maganya ametoa ufafanuzi kuhusu maoni aliyochangia Mbunge wa baraza la wawakilishi Zanzibar Bungeni Dodoma, Simai Mohammed Said wakati wa majadiliano ya bajeti ya Wizara ya Fedha kuwa hayakua msimamo wa Chama. Akizungumza na waandishi wa habari katika Ofisi ya Umoja wa Wazazi Tanzania Makao Makuu Dodoma amesisitiza kuwa mtu mmoja ndani ya chama kuamua kutoa kauli haiwezi kufanya chama kishindwe kuwa salama wala kuteteleka. Amesema kauli hiyo inayokanganya na kuleta sintofahamu haikutolewa na msemaji wa Chama Cha Mapinduzi, yalikua ni maoni ya mtu binafsi.