أولاد حاج الماحي - القبة العليك متعني - نظم الشيخ حاج الماحي عليه الرحمة

القبة العليك متعَنِّي القبة العليك متعَنِّي شُوقي الرسول السُّنِّي بسمِ اللهِ ربَي أجعلنِي بي أهلي وجناي أقبلني أقبل دعوتي وحَصِّنِّي من كيد الأنيِس والجِنِّي يارَب فيك محسِّن ظّنِّي غيرك أنت لا يشَغلنِي ياذو الرحمَة ياذو المنِّي شيطان نفسي لا يَفتِنِّي ياسيدي الرسول أضمَنِّي احضِر في الممات لَقِّني خُوفي مِن القبير أمِّنِّي مُنكر شُوفو حين يسألني في البيت الرُّقاد زعَّلنِي جُود وأرحمنِي يا كافِلنِي زوجاتاً حِسان يانسنِي بي نُوم السُّرور طَامِنِّي كفَّك ياالرَّسول مابكِنِّي رِيقك فاق لذيذ الشَّنِّي جاهك حاوي يامُوصِلنِي للثقلين أنِيس والجِنِّي قال ليهُو البعير يا السُّنِّي أب مسعود بِضربو ضَهلنِي تَقّل لي الحِمُول آذنِّي خايف منو لا يقتُلنِي الصّيده بتقولو سَجَنِّي الشَّراكِي حلحِلُو مِنِّي يا دُخريَّا لاتْهَمِّلني طِفلاناً صُغار راجِنِّي حَلاَّها وجرت مِتعَنِّي شاف الجاي وشافا المِنِّي يِتبَكَا الجِدَي ويَطِنِّي قال لبنك مُحَرَّم عنِّي رجعت لي حبيبي السُّنِّي قالت ليهُو يا كافِلنِّي أب مسعود رجَع حنَّنِّي ختَّم بالشَّهادة يَثَنِي ثُعبان الطريق مِتمنِّي قال رَاجِي الرسُول يضمنِّي الصّيد والوحوش في القُنِّي تآلِف للحبيب وتهَنِّي وصّفَك يا البشير مَحَّنِّي آياتك كُتار عجَبَنِّي حُبَّك في ضميري شعلنِي لي بلَدَك ذُنُوبي أحَمَنِّي الليله البُروق طّرَّنِي لي غُوف حجرتُو المِتَّنِّي يا راحم الضُّعاف كِيفِنِّي الشُوق والحسار جنَنِّي قال الماحي بَمْدِي وأغَنِّي خايف لا يكُون ناسِني يادُخرِيا لا تهمِلني مالِك نارُو لا تاكُلنِي باخواني الجميع لا بُنِّي شُبَّانُو وكبار السِّني الحابِنِّي والمَابِنِّي في الفردوس معاك سكِّنِي لِمْ حمَدَ العَلَيْ مِدَّنِّي هُو وحاج البشير زامَلْنِي حُوراً لابسات حَنّنِي كُل زول كرَّه ما بيجزنِّي حسبك يا الرسول ود فنِّي أكرِم ود ضكيِر واصِلنِي أُولِي بِدُرَّها مخاوِنِّي في عالي الجِنان مكِّنِّي الصَّلا والسَّلام ماتْوَنِّي بي عدد النبَّات لي الحنِّي عِلمَ الله العظِيم ولدُنِّي أقبلا يامُحمَّد مِنِّي