HG: Türkiýeden Türkmenistana baran raýatlar güýç gulluklarynyň soragyna çekilýär

Şu günki programmamyzda: Türkmenistanyň raýatlarynyň daşary ýurtlardan öz ýurduna dolananda güýç edaralary tarapyndan soraga çekilmegi bilen bagly ýagdaýlar has-da köpeldi. Aşgabadyň halkara aeroportunda howpsuzlyk wekilleriniň üns merkezine düşýän raýatlaryň arasynda zähmet migrantlary köp duş gelýär. Azatlygyň çeşmeleri we synçylar soňky wagtlarda türkmenistanlylaryň öz düşen çylşyrymly ýagdaýlary, hususan-da ýurduň birinji prezidenti Saparmyrat Nyýazowyň girizen "sosial ýeňillikler" ulgamynyň ýatyrylmagy netijesinde dörän kynçylyklar barada oturan-turan ýerlerinde gürrüň edip başlandyklaryny habar berýärler. Marynyň Sakarçäge, Murgap we Mary etraplarynda oba ymamlary daýhan birleşiklerinde we geňeşliklerde sadakalary bermek üçin ýaşaýjylardan pul ýygnaýarlar. Habarlaşmak üçin: • Whatsapp: +420 724 168 989 we +420 773 797 383 • Telegram: @Azathabar #habarlar