මුරුතැන් බත නිවැරදිව සකස් කරන ආකාරය# පිරිසිදුව සකස් කර බුදුන්ට සහ දෙවියන්ට පුජා කිරීම

මුරුතැන් බත පලමුව මුං ඇට පැය 10/12 පෙගෙන්නට තබන්න. මෙය දෙවියන්ට පූජා කරන බැවින් ඉතා පිරිසිදුව සකස් කල මැනවි. මුඛ සහ හිස අාවරණය කොට ලිප උඩින් තිරයක්ද අැද පිසගන්නා මැනවි. තවද පිරිසිදු උස් තැනක ලිප සකස් කර මස් මාංශ ඉදුල් නොකල පිරිසිදු මුට්ටියකට පොගවා ගත් මුං ඇට 200g තැබිලි ගෙඩි දෙකක පමන වතුර සමග ලිප තබන්න. තලාගත් එනසාල්, කරාබුනැටි එකතු කරන්න. විනාඩි 10 ගිය පසු එයට සෝදා ගත් සහල් 150g ද සෝදා අැට ඉවත් කරගත් රට ඉදි 100g එකතු කර ගන්න.බත පිසගන්න. සියල්ලම හොදින් තැම්බුනු පසු එයට මුදුරස්පලම් 100g, කජු 100g, සීනි 50g,සුකිරි මිටක් එකතු කරගන්න. පොල් වතුරෙන් මිරිකන ලද පොල් කිරි( උකු කිරි) වලට කිතුල් හකුරු 200g එක්කර හොදින් කවලම් කර බතට එකතු කරන්න. කිතුල් පැණි කෝප්ප 1/2 ක් පමනද එකතු කරන්න. දැන් හොදින් පත්තකින් කවපම් කරන්න. මෙය නැවත නැවත කල යුතු නොවේ එබැවින් එක් වරම හොදින් කවලම් කරන්න. අවසාන වශයෙන් එළගිතෙල්( කෑමට ගන්නා) මේස හැන්දක් පමන එකතු කර ලිපෙන් ඉවත් කර පිරිසිදු භාජන වල අතුරා පලමුව බුදුන්ටත් දෙවනුව දෙවියන්ට පුජා කරනු මැනවි. බුදුසරණයි!🙏 මාගේ වෙනත් කෑම රෙසිපි බලාගැනීමට    / @dileshanilukshi