القصة اللي خلت ( نجيب ساويرس ) يعيط وهو قاعد بيسمعها من مصطفى ناصر 😥

تخيل تمشي فـِ الشارع تشوف راجل عريض جتّه وراكب جوه مرسيدس وعنده من الحرس سِته تبُص عينيك عليه تضحك ايديك فـِ جيوبك الفاضية تعدي قصاده و فـِ سرك تقوله ياريتني كنت انت ! وتحصل مُعجزة كُبرى مُفاجأه فـِ منتهى القوه تقوم مـ النوم على مرايتك تشوف نَفسك بَقيت هوّ تبص يمين شمال تلقالك فـ سهوه بتبتسم مذهول وليك زوجة وعيال حلوين وبيت مايخشهوش الفول بَقيت راجل وسيم جدا وليك أملاك فـِ بكرة و أمس وعندك كوم من العمارات وثروه تسد عين الشمس فـَ تبتدأ تبتسم للجاي و بكرة واللي جايبه معاه وتجري تقول من الفرحة بصوت عالي : " يا فرج الله " وتفضل حبه على حالك بدون حاجة ما تتحوّل شوية وتكتشف اشياء ماجتش فـِ بالك الأول بقيت عصبي وقلوق جدا وطول الوقت متوتر مابتشوفش العيال علشان فيه شغل و بعده شغل أكتر تروح لطبيب عشان فيه معاد يقول ده مافيش تحسّن بان وانك ربنا قسملك تعيش بتعاني مـِ السرطان مراتك تبتدي تزهق تملّ حياتها فـِ سجونك ساعتها هتكتشف فجأه بإنها عايشة بتخونك وبعد ما تنفصل عنها تضيّع ما بنيته زمان وأكبر حد فـِ ولادك يخش فـ سكة الأدمان وبعد شوية مـ الإرهاق يخش مصحة ولـ توقيت تروّح مرة دون إنذار تشوف بنتك ماهيش فـِ البيت تسيبلك ورقه ع المكتب تقولك فيها انا ماشية فيه واحد حبّني جدا هكمل جنبه فـِ الدنيا فـ تنزل جري لـ الشارع معاك حَرسك بدون خطّة وقاعد جوّة مرسيدس تدوّر عنها 100 حته وفجأه وانت فـ الشارع تشوف ( انت القديم ) ماشي ايدية فـِ جيوبه و باصصلك تقوله " ياريتني كنت انت " ! #مصطفى_ناصر #ياريتني_كنت_انت اشترك فى القناة من هنا : https://www.youtube.com/channel/UCiX2... فعّل زر التنبيهات ( 🔔 ) علشان توصلك الفيديوهات الجديده على طول حـسـابـى على الفيس بوك :   / mostafaaccn   ● لايك للفيديو وشير ومتنساش تفعل زر الچرس عشان يوصلك احدث الفيديوهات حصرياً