Pagmamahal ng Diyos: Gabay sa Araw-Araw 20260608 04 48 53 Pro

MABUTING BALITA Mateo 5, 1-12 Ang Mabuting Balita ng Panginoong ayon kay San Mateo Noong panahong iyon, nang makita ni Hesus ang napakakapal na tao, umahon siya sa bundok. Pagkaupo niya’y lumapit ang kanyang mga alagad, at sila’y tinuruan niya ng ganito: “Mapalad ang mga aba na wala nang inaasahan kundi ang Diyos, sapagkat makakasama sila sa kanyang kaharian. “Mapalad ang mga nahahapis, sapagkat aaliwin sila ng Diyos. “Mapalad ang mga mapagpakumbaba, sapagkat tatamuhin nila ang ipinangako ng Diyos. “Mapalad ang mga nagmimithing makatupad sa kalooban ng Diyos, sapagkat ipagkakaloob sa kanila ang kanilang minimithi. “Mapalad ang mga mahabagin, sapagkat kahahabagan sila ng Diyos. “Mapalad ang mga may malinis na puso, sapagkat makikita nila ang Diyos. “Mapalad ang mga gumagawa ng daan sa ikapagkakasundo, sapagkat sila’y ituturing ng Diyos na mga anak niya. “Mapalad ang mga pinag-uusig dahil sa kanilang pagsunod sa kalooban ng Diyos, sapagkat makakasama sila sa kanyang kaharian. “Mapalad kayo kapag dahil sa aki’y inaalimura kayo ng mga tao, pinag-uusig at pinagwiwikaan ng lahat ng uri ng kasamaan na pawang kasinungalingan. Magdiwang kayo at magalak, sapagkat malaki ang inyong gantimpala sa langit. Gayun din ang ginawa ng mga tao sa mga propetang nauna sa inyo.” Ang Mabuting Balita ng Panginoon. #MgaMapapalad #MabutingBalita #Beatitudes #CatholicReflection #StayWithChrist #RomanCatholic #PrayerForHealing #OurLadyPrayForUs #GodIsGood #FaithOverFear #ProDeoEtEcclesia #ToGodBeTheGlory