URUBANI SI NDOTO TENA! SERIKALI YATENGA SH BIL 57

DAR ES SALAAM: SERIKALI imewekeza jumla ya Sh bilioni 57 kwa ajili ya ujenzi wa Kituo cha Umahiri cha Mafunzo ya Anga katika Chuo cha Usafirishaji cha Taifa (NIT) kilichopo Mabibo jijini Dar es Salaam, hatua inayolenga kukuza rasilimali watu na kuimarisha sekta ya usafiri wa anga nchini. Akizungumza wakati wa ziara ya kukagua jengo na vifaa vya kituo hicho, Waziri wa Uchukuzi Profesa Makame Mbarawa amesema mradi huo umekamilika na upo tayari kuanza kutoa huduma. Profesa Mbarawa amesema kuanza kwa kituo hicho kutapunguza kwa kiasi kikubwa gharama za mafunzo kwa wanafunzi waliokuwa wakilazimika kusoma nje ya nchi, huku kikitoa mafunzo kwa kutumia vifaa vya kisasa na wataalamu wenye ujuzi wa hali ya juu. Ameeleza kuwa uwekezaji huo ni sehemu ya mkakati wa Serikali wa kuhakikisha Tanzania inakuwa na wataalamu wa kutosha katika sekta ya anga na usafirishaji kwa ujumla. Kwa upande wake, Mkuu wa Chuo cha NIT Mhandisi Prosper Mgaya amesema kwa sasa chuo kinatoa mafunzo katika fani kuu tatu za anga kwa kutumia teknolojia ya kisasa inayokidhi viwango vya kimataifa. Naye Mwenyekiti wa Bodi ya NIT Profesa Ulingeta Bamba amesisitiza kuwa elimu inayotolewa chuoni hapo inatambulika kimataifa, hivyo amewahimiza vijana kutumia fursa hiyo kujenga mustakabali wao na kuchangia maendeleo ya Taifa. Follow us on: FACEBOOK; SpotiLeo:   / spotileo-176.  . HabariLeo:   / habarileo   DailyNews:   / dailynewstz   INSTAGRAM; HabariLeo: https://instagram.com/habarileo_tz?ig... SpotiLeo: https://instagram.com/spotileo?igshid... TWITTER; Twitter HabariLeo: https://twitter.com/HabariLeo?s=09