Ministri Nufi pritet nga komandantja e Gardës Kombëtare të New Jersey, gjeneral brigade Mays

Ministri Nufi: “25 vite partneritet, kontribut me rëndësi në modernizimin e Forcave tona të Armatosura” Në kuadër të vizitës zyrtare në SHBA, ministri i Mbrojtjes, z. Ermal Nufi, së bashku me shefin e Shtabit të Përgjithshëm të Forcave të Armatosura, gjenerallejtënant Arben Kingji zhvilloi një takim me gjeneral brigade të Forcave Ajrore të SHBA, Yvonne L. Mays, njëkohësisht adjutante e Përgjithshme e Shtetit të Nju Xhersit dhe komisionere për Çështjet Ushtarake. Përgjatë bashkëbisedimit u vlerësua një çerek-shekulli partneritet ndërmjet Shqipërisë dhe Gardës Kombëtare të Nju Xhersit, e cila ka dhënë një kontribut të rëndësishëm në modernizimin dhe zhvillimin e Forcave të Armatosura të Shqipërisë. Në fokus të bisedës ishin disa fusha prioritare të bashkëpunimit, mes të cilave forcimi i Trupës së Nënoficerëve dhe edukimit ushtarak; rritja e kapaciteteve të mbrojtjes kibernetike; mbështetja për funksionalitetin e plotë të Bazës Ajrore të Kuçovës; si dhe thellimi i bashkëpunimit në kuadër të NATO-s dhe forcimi i sigurisë euroatlantike. Ministri i Mbrojtjes z. Ermal Nufi vlerësoi veçanërisht kontributin e Gardës Kombëtare të Nju Xhersit në ngritjen profesionale të Trupës së Nënoficerëve përmes programeve të trajnimit, mentorimit dhe shkëmbimit të përvojave, duke theksuar se ky bashkëpunim ka ndikuar drejtpërdrejt në rritjen e standardeve dhe efektivitetit të Forcave tona të Armatosura. Palët diskutuan gjithashtu mbi sfidat aktuale të sigurisë dhe rëndësinë e rritjes së investimeve në mbrojtje, në përputhje me angazhimet e NATO-s. Takimi konfirmoi vullnetin e përbashkët për të thelluar më tej bashkëpunimin dypalësh dhe për të hapur një kapitull të ri partneriteti mes Shqipërisë dhe Gardës Kombëtare të Nju Xhersit, në shërbim të paqes, stabilitetit dhe sigurisë rajonale e euroatlantike. Ndërkohë, ministri i Mbrojtjes z. Ermal Nufi vlerësoi gjeneral brigade Yvonne L. Mays, me “Medaljen e Artë të Shërbimit Ushtarak”, në shenjë mirënjohjeje për kontributin e saj të veçantë në forcimin e bashkëpunimit ushtarak ndërmjet Forcave të Armatosura të Republikës së Shqipërisë dhe Gardës Kombëtare të Nju Xhersit, si dhe për mbështetjen e vazhdueshme në zhvillimin e kapaciteteve dhe konsolidimin e partneritetit strategjik ndërmjet dy forcave. ___________________________________________________________________ This is the official Channel of the Ministry of Defence of Republic of Albania Subscribe: https://www.youtube.com/c/ministriamb... Abonohu: https://goo.gl/XBoLwB For more visit: https://www.mod.gov.al Subscribe to "Ministria e Mbrojtjes" on YouTube Channel Shows HERE: https://www.youtube.com/c/ministriamb... For more content from click HERE: https://www.mod.gov.al Like Ministria e Mbrojtjes on Facebook HERE:   / ministriambrojtjes   Follow Mbrojtja on Instagram HERE:   / mbrojtja   Follow Ministria e Mbrojtjes on Twitter HERE: https://x.com/MinMbrojtjes Subscribe: https://www.youtube.com/c/ministriamb... #MinistryOfDefence #Albania