Nis ndërhyrja në bulevardin “Zogu I” për heqjen e objekteve pa leje

Vijon aksioni për çlirimin e hapësirave publike në qytetin e Shkodrës, ku këtë herë ndërhyrja është përqendruar në bulevardin “Zogu I”. Strukturat përkatëse kanë bërë të mundur heqjen e një objekti të ndërtuar pa leje, i cili kishte bllokuar qarkullimin pranë pallateve, duke krijuar vështirësi për lëvizjen e banorëve dhe aksesin e mjeteve të emergjencës, si zjarrfikësja dhe ambulanca. Ndërhyrja është ndjekur nga afër nga kryetari i Bashkisë Shkodër, Benet Beci, i cili theksoi se ky aksion është pjesë e një sërë masash të ndërmarra në zonën pranë shkollës “Ndre Mjeda”, me synim lirimin e hapësirave dhe përmirësimin e qarkullimit për komunitetin. Nga ana e tij, drejtori i Policisë Bashkiake, Saimir Rrustemi, u ndal te rëndësia e respektimit të hapësirave publike dhe zbatimit të ligjit për ndërtimet pa leje. Autoritetet lokale bëjnë me dije se aksioni do të vijojë në të gjitha lagjet e qytetit, me qëllim korrigjimin e deformimeve urbane të krijuara ndër vite dhe rikthimin e hapësirave publike në funksion të qytetarëve. “Shkodra Zone” është platforma dedikuar kulturës, historisë dhe sportit në Shkodër. Çdo video është një ftesë për të zbuluar bukurinë dhe energjinë e qytetit tonë. Pëlqe, shpërndaje dhe mos harro të abonohesh për më shumë! ▪️ Web: https://www.shkodrazone.com ▪️ Instagram:   / shkodrazone   ▪️ Facebook: https://www.facebook.com/profile.php?...