रायगड व रत्नागिरीला जोडणाऱ्या आंबेत–म्हाप्रळ पुलाला दोन रेतीच्या महाकाय बार्जची जोरदार धडक

#tejmarathinews #collectorraigad #breakingnews #bharatgogawale #adititatkare रायगड व रत्नागिरीला जोडणाऱ्या आंबेत–म्हाप्रळ पुलाला दोन रेतीच्या महाकाय बार्जची जोरदार धडक कमकुवत झालेल्या पुलाला पुन्हा धोका; नागरिकांकडून तडे गेल्याची भीती व्यक्त बार्ज जप्त करून त्यातूनच पुलाच्या दुरुस्तीचा खर्च वसूल करावा : अझर धनसे, रायगड जिल्हा संघटक तथा श्रीवर्धन विधानसभा अध्यक्ष राष्ट्रवादी काँग्रेस पार्टी (शरदचंद्र पवार ) माजी दिवंगत मुख्यमंत्री बॅरिस्टर ए.आर.अंतूले यांच्या कार्यकाळात रायगड व रत्नागिरी जिल्ह्यांना जोडणारा आंबेत–म्हाप्रळ पूल उभारण्यात आला होता . काही वर्षांपूर्वी पुलाखाली झालेल्या रेती उत्खननामुळे पुलाच्या संरचनेवर परिणाम झाला व त्यामुळे पुलाचा एक प्लेर झुकल्याने हा पूल वाहतुकीसाठी पूर्णपणे बंद करण्यात आला होता व काही दिवसांच्या प्रतीक्षेनंतर जेटी उभारून रो-रो सेवेद्वारे वाहतूक सुरू ठेवण्यात आली होती. अनेक महिन्यांच्या प्रतीक्षेनंतर हा पूल पुन्हा वाहतुकीसाठी खुला करण्यात आला होता. मात्र सोमवारी सकाळी साडे दहा च्या सुमारास सावित्री नदीला आलेल्या पुराच्या पाण्यात वाहत आलेल्या दोन रेतीच्या ड्रेजर बार्जनी आंबेत–म्हाप्रळ पुलाला जोरदार धडक दिली. या जबर धडकेमुळे पुलाच्या संरचनेला नुकसान झाल्याची भीती व्यक्त केली जात असून स्थानिक नागरिकांनी पुलाला तडे गेल्याची शक्यता वर्तवली आहे. खबरदारीचा उपाय म्हणून पुलावरील रायगड व रत्नागिरी या दोन्ही दिशेची वाहतूक तातडीने पूर्णपणे बंद करण्यात आली आहे मात्र काही वाहन आंबेत चेक पोस्ट येथून रत्नागिरी च्या दिशेने व रत्नागिरी च्या दिशेतून रायगड दिशेला सोडून आंबेत चेकपोस्ट वर तैनात पोलिसांकडून वरिष्ठ अधिकाऱ्यांच्या पूर्णपणे वाहतूक बंदीच्या आदेशाची पायमल्ली देखील केलेली यावेळी पहाव्यास मिळाली... दरम्यान, हवामान विभागाने मुसळधार पावसाचा इशारा दिला असतानाच कोकणात सर्वत्र जोरदार पाऊस सुरू असून सावित्री नदी दुथडी भरून वाहत आहे. अशा परिस्थितीत ड्रेजर बार्ज सुरक्षितरीत्या बांधून न ठेवता ते पुराच्या प्रवाहात वाहून कसे गेले? असा प्रश्न नागरिकांकडून उपस्थित केला जात आहे. या घटनेमुळे पुलाच्या सुरक्षिततेबाबतही गंभीर चिंता व्यक्त होत आहे. या प्रकरणातील दोषींविरोधात कठोर कारवाई करण्यात यावी. तसेच पुलाला झालेल्या नुकसानीची भरपाई संबंधित बार्ज जप्त करून त्यातून वसूल करण्यात यावी व त्याच निधीतून पुलाची दुरुस्ती करण्यात यावी, अशी मागणी राष्ट्रवादी काँग्रेस (शरदचंद्र पवार) पक्षाचे रायगड जिल्हा संघटक व श्रीवर्धन मतदारसंघ अध्यक्ष अझर धनसे यांनी केली आहे. प्रशासनाने या घटनेची तातडीने चौकशी करून दोषींवर कठोर कारवाई करावी, अन्यथा जनआंदोलन छेडण्यात येईल, असा इशाराही अझर धनसे यांनी दिला आहे. उपसंपादक रिजवान मुकादम सह ब्युरो रिपोर्ट तेज मराठी न्यूज पुरार रायगड.