Përplasja e opozitës me gardën, Olldashi: Oficerët kanë zbatuar vendimin e byrosë - (16 Mars 2006)

Lajme arkiva 2006 Ministri i Brendshëm Sokol Olldashi ka sqaruar se oficerët e Gardës së Republikës kanë zbatuar vendimin e Byrosë së Parlamentit duke ju përmbajtur rregullores së kuvendit. Ministri sqaron opinionin vetëm pak orë pas konfrontimit në hyrje të seancave plenare ku socialistët reaguan ashpër pasi nuk u lejua të hynte në ambient deputeti Petro Koçi. Për deputetin socialist byroja e Kuvendit ka marrë masën ndëshkimore të pezullimit të dy javë nga punimet e parlamentit. Sokol Olldashi: “Kompetencat e trupës së sigurisë së vendit shkojnë deri tek komunikimi ligjor dhe zyrtar i fakteve të trupave të sigurisë së vendit nuk ka kompetenca për të ndërhyrë fizikisht kundrejt deputetëve. Presupozohet që në këtë sallë vijnë njerëz që kanë të përgjegjshëm. Janë të papërgjegjshëm për ato që thonë, por jo të papërgjegjshëm për ato që bëjnë dhe presupozohet që njerëzit që vijnë në këtë sallë janë të parët që respektojnë ligjin. Janë vetë ligjvënës. Zbatojnë ligjet që vetë i kanë prodhuar dhe në këtë kuptim rregullorja nuk parashikon për trupën e sigurisë së gardës ndërhyrje ekstreme. Parashikon komunikimin ligjor duke prezumuar që pala tjetër është e përgjegjshme. Në rastet kur pala tjetër qëllon e papërgjegjshme jo vetëm për ato që thoit , por edhe për ato që bën rregullorja nuk ka zgjidhje.” Sipas nenit 122 të rregullores pika dy thuhet se punonjësit e shërbimit të sigurisë në parlament veprojnë në sallën e seancave plenare të kuvendit vetëm me urdhër të kryetarit, ose të drejtuesit të seancës si dhe veprojnë gjithashtu jashtë sallës së seancave plenare të përcaktuara nga byroja e kuvendit. Kastriot Islami: “Sot ka dy momente në ekstrem që janë të ndërlidhura midis tyre. Deklarata e ministrit të jashtëm për të futur të gjithë rajonin në luftë. Pra një deklaratë lufte dhe deklarata dhe veprimi i luftës i punonjësve të gardës janë duke lejuar opozitën për t’u futur në parlament. Dy ngjarjet e ndërlidhura janë të lidhura në mënyrë shumë direkete vetëm në kokën e Berishës de në qoftë se këto nuk zgjidhen atëherë ne do të vazhdojmë në mënyrë demokratike të gjithë kontributin tonë për të gjetur zgjidhjen që tashmë janë depozituar në sekretarinë e parlamentit.” Ylli Pango: “Për shkak të akteve të vazhdueshme të dhunës që po ushtrohen karshi punonjësve të gardës kemi të gjithë dëshmitë e nevojshme për të vërtetuar që të gjithë aktet e dhunës janë kryer karshi këtyre punonjësve nga deputet të Partisë Socialiste. Rasti i fundit është i zoti Xhindi dhe zoti Tola të cilët i kanë goditur një punonjës të gardës de kjo është e dëshmuar edhe në televizionin News 24 dhe është parë nga disa deputet. E njëjta gjë ka ndodhur me zotin Petro Koçi. Pra ne denoncojmë këtë dhunë tepër të rëndë karshi këtyre njerëzve të thjeshtë.” Andis Harasani: “Askush nga opozita nuk kërkon ekstremet, askush nuk kërkon që të konfrontohet aq më shumë me gardën e republikës të konfrontohet me gardën e republikës. Garda bën detyrën e tyre. Besoj se është gabimi i atyre që kanë urdhëruar gardën që të mos linte deputetët të hynin në sallë. Ju e patë edhe vetë që deputetët nuk u lejuan që të hynin në sallë, por ajo që ne bëmë thirrje është që do të vazhdojmë thirrje që duhet të gjenden patjetër rruga e mirëkuptimit aq më shumë me Marrëveshjen e Stabilizim Asociimit në prag për t’u firmosur.”/tvklan.al Gazetare: Sonila Agostini SUBSCRIBE to “RTV KLAN” on YouTube for more videos! Për më shumë informacione vizitoni faqen tonë web https://tvklan.al/ Videot e fundit nga Tv Klan i gjeni në faqen https://tvklan.al/video/ Follow Tvklan on Facebook:   / tvklan   Follow rtvklan on Instagram:   / rtvklan   Programet e Tv Klan mund t’i ndiqni edhe në faqen https://tvklan.al/programe/