Bakı metrosunda 30 il əvvəlki dəhşət | Tuneldə alışan qatar 289 can aldı

Bakı metrosunda 30 il əvvəlki dəhşət | Tuneldə alışan qatar 289 can aldı 1995-ci il oktyabrın 28-də Bakı metrosunda baş vermiş faciədən 30 il ötür. Rəsmi məlumatlarda qeyd edilir ki, "Ulduz" və "Nərimanov" stansiyaları arasındakı tuneldə qatarın alışması nəticəsində 289 nəfər həlak olub. Ölənlərdən 28-i uşaq, 3-ü xilasedici olub. Bundan başqa, qəza nəticəsində 270 nəfər müxtəlif dərəcəli bədən xəsarətləri alıb. İtkinin böyük olması qatarın tuneldə alışması və xilasetmə əməliyyatının yetərsizliyi ilə bağlı olub. Elə qəzanın əsas səbəbi kimi də köhnə avadanlıqlarla təchiz olunmuş qatarın nasazlığı, habelə maşinistin səhv qərar verməsi göstərilir. Hadisədə terror əməli aşkarlanmayıb və olay texniki qəza kimi qiymətləndirilib. Uzun müddət məsələni araşdıran istintaq qrupu qəzanın baş verməsinin terror aktı olduğunu istisna edib. Qəzanın sırf səhlənkarlıqdan baş verdiyi açıqlanıb. Maşinist qatarı tuneldə saxlayıb, insanlar isə qorxu içində vaqonlardan çıxıb qaçmağa başlayıblar. Havaçəkmə sistemi pis olduğundan tuneldəkilər hava çatışmazlığından və ayaq altında qalaraq ölüblər. Aparılan araşdırmadan sonra maşinistin qatarı tuneldə saxlamaq qərarı səhv sayılmışdı. Təhlükəsizlik qaydalarına riayət edilməməkdə günahlandırılan qatarın maşinisti və dispetçerə 10 il müddətinə azadlıqdan məhrumetmə cəzası verilib. Qatarı tərk edənlərin çoxu sağ qalsa da, yanğın tarixin ən ölümcül qatar fəlakəti hesab olunur. Qatar faciəsindən sonra Azərbaycanda üç günlük matəm elan olunub. Bizi WhatsApp-da izləyin https://whatsapp.com/channel/0029VaAm... https://t.me/bakutvxeber https://x.com/bakutvofficial   / baku.tv   https://www.baku.tv Bakı metrosunda 30 il əvvəlki dəhşət | Tuneldə alışan qatar 289 can aldı 2025 © All Rights Reserved ℗ "Baku TV" LLC ™ #bakutv #bakı #metro #faciə #tunel #qatar