"Dueli" Berisha-Rama: Kam pasur një këlysh, që lehte shumë. Ja, pse i turr qentë | IN TV Albania

Kryeministri Edi Rama dhe ish-lideri historik i demokratëve Sali Berisha janë përballur në Parlament për çështjen e integrimit të vendit dhe atë të zgjidhjes së kryeprokurorit. Rama i bëri ftesë opozitës: Këto 6 muaj të jemi një zë për Shqipërinë, jo për qeverinë, por për Shqipërinë. Por, për Berishën çështja "Tahiri" është pengesa kryesore e integrimit. Nuk mund t'i mungonte debateve edhe historia e treguar nga Berisha për këlyshin që lehte. Dhe, ja si e lexoi Rama këtë! Edi Rama: Do ta vazhdojmë zbatimin e reformës në drejtësi bashkarisht! Pse mos ta vazhdojmë, për çfarë arsye?! Çfarë na pengon?! Dhe çfarë na pengon në këtë 6-mujor të jemi një zë, kur flasim për Shqipërinë, jo për qeverinë?! Sali Berisha: Se unë mora mbështetje, por për çdo gjë mund të kesh marrë mbështetje mor ti zotri, por për t'u bërë Kryeprokuror i Shqipërisë nuk e merr dot kurrë. Edi Rama: Të gjithë përfaqësuesit më të lartë të institucioneve në Bruksel ishin në një zë për të mbështetur çeljen e negociatave për anëtarësim të Shqipërisë. Sali Berisha: Akuzat, se opozita po pengon integrimin janë absurde. Çështja "Tahiri" do të jetë çështja kryesore, do jetë kusht kryesor për integrimin. Kur na e thonë ne, ju garantoj se atij ia thonë 3 herë më shumë. Edi Rama: Të paktën për fajin tonë nuk duhet të ndodhë absolutisht që ne të humbasim asnjë milimetër pozicion. Ata thonë, nuk mund ta duam ne Shqipërinë më shumë seç e do opozita juaj. Sali Berisha: Në shtëpi ne kishim dy qenë. Njëri ishte i madh dhe e mbanim me rrethore, tjetri ishte një këlysh. Lehte gjithë ditën më mërziste shumë. Mos leh, i thoja unë. Kuç, mos leh! Dilte gjyshja në ballkon, çfarë ke Sali?! Më çmendi ky këlyshi, i thoja gjyshe. Po çmend veten ti, më thoshte. Nuk i thuhet këlyshit që leh, mos leh, se ai leh më shumë. Edi Rama: Sot na ke ndihmuar të kuptojmë pse i thua s'kape atyre që i hedh në betejën qorre të luftës politike. E paske nisur me qenin e shtëpisë këtë punë dhe të paska ngelur si nevojë e brendshme për të pasur qenë, që i turr për të kapur të tjerët. ------------------------------------------ IN Tv Albania Follow us:   / intvalbania     / intvalbania     / intvalbania   Offcial website: http://intv.al