Sarath Wickrama-මේ නොනිමෙන දිවි ගම‌නේ ගයන්න ජෝති බෑ කියපු හැටි සරත් වික්‍රම හෙළිකරයි

අද එනම් 2026 ජූලි මස 7 වැනි දිනය අසහාය ගායක එච්.ආර්.ජෝතිපාලයන් ගේ ගුණානුස්මරණ දිනයයි. ඔහු මෙලොවින් සමුගත්තේ 1987 වසරේ ජූලි මාසයේ හත් වැනිදාය. ඒ අනුව ඔහු අපෙන් සමුගෙන වසර 39 ක්. මෙම කාලය ඇතුළතඔශුගේ ජනප්‍රියත්වය වැඩි වූවා මිස අඩූ වූයේ නැත. ගෙවුණු වසර 39 ඇතුළතඋපත ලද්දෝ පවා අදටත් ජෝති ගී ගයති. එච්.ආර්.ජෝතිපාලයන් ගැයු ගී අතර වඩාත් ජනාදරයට පත් මවු ගුණ ගීයක් වූ මේ නොනෙිමෙන දිවි ගමනේ ගීතයයි. තිස්ස ඩයස් විසින් රචනා කරන ලද එ‍ම ගීතය සංගීතවත් කරන ලද්දේ සරත් වික්‍රම විසින්ය. සංගීත ක්ෂත්‍රයේ දශක ගණනාවක් පුරා විවිධ සංගීත කණ්ඩායම් වල වාදකයෙක් මෙන්ම සංගීත අධ්‍යක්ෂවරයෙක් ලෙස ද කටයුතු කරන සරත් චිත්‍රපට කිහිපයකම සංගීත අධ්‍යක්ෂණයෙන් ද දායක වූවෙක්. සරත් ගේ නිර්මාණ එකතුවක් වික්‍රම් නමින් ලබන ජූලි 26 වැනි දින කොළඹ ආනන්ද විද්‍යාලයීය කුලරත්න ශාලාවේදී එළි දකිනු ඇත.