Dëshmori Donald Hoxha përkujtohet edhe në qytetin e tij të lindjes

Në 1 - vjetorin e rënies në krye të detyrës të “Dëshmorëve të Atdheut”, kapiten Floran Delia dhe toger Donald Hoxha, për këtë të fundit u zhvillua një ceremoni përkujtimore edhe në qytetin e tij të lindjes, në Kuçovë. Në ceremoninë e zhvilluar në vendin ku është vendosur busti i dëshmorit Donald Hoxha, ishin të pranishëm zëvendësministri i Mbrojtjes z. Petro Koçi, komandanti i Forcës Ajrore gjeneral brigade Vladimir Avdiaj, nënkryetari i bashkisë së Kuçovës z. Ilirjan Llangozi, ushtarakë, familjarë dhe të afërm të dëshmorit.