របាំគែន

របាំគែន!! “របាំគែន” ច្នៃប្រឌិតឡើងដោយផ្អែកលើការលេងឧបករណ៍តន្ត្រីគែន។ គែន ជាប្រភេទឧបករណ៍ផ្លុំ តួធ្វើពីឈើខ្លឹម ហើយស៊កបំពង់ឬស្សី ពី៧-៨ដើម។ ឧបករណ៍នេះតែងឃើញប្រើប្រាស់នៅក្នុងចំណោមជនជាតិភាគតិចលាវ និងប្រជាជនខ្មែរដែលរស់នៅខេត្តស្ទឹងត្រែង ខេត្តបាត់ដំបង ខេត្តសៀមរាប ខេត្តឧត្តរមានជ័យ និងខេត្តបន្ទាយមានជ័យ។ របាំនេះបង្ហាញពីកម្លោះផ្លុំគែន ដើម្បីចែចង់ស្រ្តី។ របាំគែនបង្កើតឡើងក្នុងឆ្នាំ១៩៦៧ ដោយព្រឹទ្ធាចារ្យ ប៉ុល សំអឿន កែសម្រួលដោយព្រឹទ្ធាចារ្យ ទេពបញ្ញាកោសល្យវិជ្ជា ឆេង ផុន។ របាំគែនចាប់សម្ដែងនៅឆ្នាំ១៩៦៨ រហូតដល់ឆ្នាំ១៩៧៥ ហើយបានសម្ដែងជាថ្មីឡើងវិញ ចាប់ពីឆ្នាំ១៩៧៩ រហូតមកដល់បច្ចុប្បន្ន។