Rruga ne fshatin Dresnik e amortizuar, banoret: Paguajme taksa e nuk shohim investime

Me gropa dhe e rrënuar. Nëse të duhet të shkosh për në fshatin Dresnik të Korçës mendohu dy herë. Ndodhet vetëm 9 km larg qytetit të Korçës, fshati Dresnik nuk i ka njohur investimet përsa i përket infrastrukturës rrugore. Kjo ka sjellë dhe indijimin e tyre të cilët janë ngritur në protestë, e asgjë nuk është bërë, ndërsa thonë se asgjë nuk është bërë. Prej vitesh 2 km janë kthyer në një gangrenë për drejtuesit e mjeteve, por edhe për banorët e fshatit. “Janë shumë keq, rruga është copë- copë, taksat i paguajmë, do ta bëjmë do ta bëjmë, asnjë gjë nuk do bëhet. Kam 7 vjet që kam marrë makinën dhe kështu ka qenë rruga”, u shpreh një qytetar. “Rruga është katastrofë, në fshatin ngjitur është ndryshim si nata me ditën”, u shpreh një tjetër qytetar. Megjithëse është premtuar për asfaltimin, investimi nuk është bërë. “Në këtë fshat çdo gjë bëhet e fundit. Është katastrofë që nga uji, ambulanca, dhe rruga. Për gjithçka mbetet i fundit. Unë as votoj dhe as nuk kam për të votuar. Nuk jetohet kështu. Është gjynah që të mbetemi fshati i fundit”, tha një qytetar. Ndërsa situata sa vjen dhe rëndohet edhe me tepër, nga viti në vit gropat zmadhohen dhe rreziku i aksidenteve bëhet edhe më i madh. Banorët thonë se janë ankuar pranë Bashkisë por nuk kanë marrë kurrë zgjidhje. Per informacionet me te fundit klikoni: Web: http://abcnews.al/ Facebook:   / abcnews.al   Instagram:   / abcnewsal   Subscribe kanalin tone ne: youtube:   / abcalbanian   #abcnews #abcnewsalbania