राष्ट्रसंत तुकडोजी महाराज भजन| निवडक भजन | भाग ३५ | BHAJAN SANGRAH | SHRI MOHAN GAIGOL COLLECTION

आमच्या चॅनल ला आपण दान देऊ शकता , या चॅनल वर ads बंद आहे 🙏🙏 GOOGLE PAY : 7038205363 You can contribute to our channel : GOOGLE PAY : 7038205363 १७२. ग्रामजयंतीचा मंत्र घ्या हो नवा । देशात समता नांदवा ।।धृ0।। एकाच्या महालांत फुलताति बागा । दुसऱ्यास धड नाही राहण्यास जागा ।। अन्नासाठी फिरतो नागवा ।।१।। क्रांतीची ही लाट गावात आली । पत्यास न्यायास प्रेमास व्याली ।। राखा हिच्या या वैभवा ।।२।। तो दास तुकड्या विनवुनि सांगे । बैसू चला सर्व एकाचि रांगे ।। निजधर्मतत्वा जागवा ।।३।। १७३. माझ्या श्यामला कोमला! । ऐसा का रे रागावला? ॥ धृ ॥ काय आम्ही तुझे केले ?। सांग कोणा दुःखविले ? ॥ १ ॥ तुझ्या भक्तांचाहि छळ । कोठे झाला का सढळ ? ॥ २ ॥ तुकड्या म्हणे का न येशी । आजी कृष्णा ! तू ध्यानासी ॥ ३ ॥ १७४. का मज नेता त्या मार्गाने ? अधम जिथे राहती ।। मित्र हो ! ।।धृ0।। कधी न कुणाचे बरे चिंतती । अवघी टिंगल आणि फजिती ।। सज्जन जेथे उभे राहता, ग्रासाया पाहती।।१।। रात्रंदिनी ज्या निशाच दिसते। मांस - मदीरा जवळी असते ।। वेश्येचा बाजार भोवती, दिसती गुंड अती ! ।।२।। असाल जरि तुम्ही मित्र आमुचे । वळवु नका क्षण पाय कुणाचे ।। जेथे माणुसकी मुळी नाही,चालतसे गमती ! ।।३।। अमोल जन्मा येउनि काही - सार्थक जरी केले मुळि नाही ।। तुकड्यादास म्हणे यंम येईल,चालुनिया वरती ! ।।४।। १७५. सुधरले देह - देवलको, उसीका मैल धो करके । बडा कचरा पडा भाई! निकालो आज भरभरके ।।टेक।। नहीं झाड़ू लगा अंदर, उपरसे हे साफ मंदर । उसीमें घुस रहे बंदर, न होता रंग देकरके ।।१।। उपरके रंगको हरले, सभी कचरा सफा करले। प्रभूमें भावना धरले, चला जा फेर भव तरके ।।२।। चला भटका कहाँ भाई? सभी देवल भरा साँई । जमींको मैलने खाई, ले झाड़ू नाम निज धरके ।।३।। कहे तुकड्या तूहि देवल, उसीमें राम है केवल l गुरुको पुछले सेवल, वही दे एकता करके ।।४।।