أسرار حريق الاسماعيلية المريب وعلاقته بتصريحات السيسي واتهام خطير من احمد طنطاوى وإشعال صور السيسي

تتناول الحلقة أخر أخبار مصر بعد الحريق الضخم بمديرية أمن الإسماعيلية وتصريحات الرئيس السيسي بمؤتمر حكاية وطن ومعركة توكيلات الانتخابات الرئاسية وبيان المرشح المحتمل أحمد طنطاوى، فمنذ ساعات حصل حريق ضخم ي مديرية أمن الإسماعيلية ورغم إن مفيش معلومات أو بيانات رسمية عن الحريق لكن تصوري عنه إنه مش مجرد ماس كهربائي أو إهمال وفي ما هو أبعد من كده وبشكل واضح هو إستهداف إرهابي لمديرية أمن الإسماعيلية خصوصاً وإن في ديسمبر اللي فات نفذت عناصر داعش عملية خطيرة علي كمين داخل الإسماعيلية!  عموماً أنا مش جهة تحقيق عشان تقرر سبب الحريق ده مجرد تصور،  لكن بص معايا علي الفيديو ده كده ؟!  دى منصة اخوانية اسمها ميم بتعرض فيديو لشخصين بيحرقوا صورة السيسي قدام حاجز أمنى وفي الخلفية هتافات لا إله إلا الله السيسي عدو الله اللي كان اعتمدها معتز مطر في ثورة الحلل ومحمد علي لو فاكرين!  أنا مش بخوفك بس تعالى بقا كده أخدك للتصريح اللي قلب الدنيا لحد دلوقتي و واضح إنه أصاب هدفه إمبارح  لما قال السيسي : 🛑 «أنا ممكن أدي شريط ترامادول و1000 جنيه لـ100 ألف إنسان ظروفهم صعبة  وأنزلهم 10 أسابيع يعملوا حالة، يمكن أهد بلد بمليار جنيه، يعني بمبلغ ناس بتصرفه في حفلة» .. الكلام ده مش بس واضح إنه مش عبثي أو مجرد فكرة وواضح إنه خارج من عشرات التقارير اللي بتيجي للرئيس يومياً وجزء منها المحاولات اللي هتتم مستغلة فكرة تجمعات الانتخابات لخلق حالة فوضى،  طبعاً الإعلام الموازى بيشتغل علي التسفيه من التصريح ده رغم أنه موجه ليهم مباشرة ولما يخرج من أهم مسؤول أمنى في مصر بعد ثورة يناير واللي كان مسؤول عن كل الأجهزة الأمنية في الوقت ده يبقي لازم تقف قدامه! الناس بس ناسية إن بعد يناير ووفت حكم المجلس العسكري تم تكليف السيسي وقتها بقيادة الاجهزة الأمنية في مصر مخابرات حربية ومخابرات عامة وأمن وطني! انت متخيل حجم المعلومات اللي عنده؟! وكان فاهم كويس أوى إزاى بتدار المظاهرات في الوقت ده واللي حصر الفترة دى عارف كويس اوى ان احداث محمد محمود ومجلس الوزارء وكل الأحداث دى كان حاضر فيها الترامادول والفلوس ! السيسي شخصيا كان جزء من ميدان التحرير! وبشهادة محمد البلتاجى نفسه اللي حمى المتظاهرين يوم موقعة الجمل كان اللواء عبد الفتاح السيسي وقتها!  فلما السيسي بكل الخلفية دى عن طريقة إشعال الفوضي يتكلم إعرف إن الكلام موزون بميزان دهب اما التسفيه والسخرية فده منطق الجهلة،  لأنه من الواضح إن في تفكير لإستخدام حالة الانتخابات والتجمعات لخلق حالة تبوظ المشهد كله وتخرجه بره فكره مفيش مشاركة او الانتخابات اتحسمت للسيسي لفوضى واشتباكات! ولو تشوف كلام معتز مطر عن إعجابه بنزول احمد طنطاوى للشارع وعمل تجمعات بإعتبار ده تطور نوعى مهم هتفهم كلامي! خصوصا لما تبص علي تحركات احمد طنطاوى اللي وعلي اد ما هى مشاهد كوميدية وهو بيتحرك وسط انصار السيسي عشان يتصور علي انه وسط عدد لكن ده كمان خطير لما تشوف العناصر اللي بتتحرك معاه واللي واضح انهم من الخلايا النايمة اللي كلمتك عنهم قبل كده واللي ممكن يخلقوا اشتباكات في لحظة ما بردو بحجة التوكيلات أو غيره!  من التصريحات اللي اتاخدت بشكل غلط للهجوم علي السيسي هو كلامه عن مجاعه الصين الكبري،  واللي مات فيها 25 مليون شخص!  لكن كلام السيسي مكانش ايجابى مثلا او إعجاب بالتجربة لكن قالك إنه رغم ده مهدوش بلدهم وقاموا يبنوها واتخلصت الصين من حقبة ماو سي تونج وبدأت نهضتها اوائل التمانينات،   طيب النهضة دى بدأت ازاي؟! بدأت باللي بنعارضه !! اولا تحديد النسل،  استراتيجية زراعية ضخمة للحد من شح الغذاء في وقت لما الدولة بتهد تعدى علي ارض زراعيه بيتقال تهجير!  فتحت الصين الأبواب للاستثمارات الأجنبية بعد ما انفتحت علي العالم ورجعت العلاقات الدبلوماسية بين الصين والولايات المتحدة في 1979. وتدفقت الأموال على الصين من المستثمرين مقالوش بيع يا عواد وبنبيع البلد !! #اخبار_مصر #الإسماعيلية #احمد_طنطاوى #الانتخابات_المصرية تابعوا قنوات جون المصري الرسمية علي السوشيال ميديا: Tiktok  https://www.tiktok.com/discover/%D8%A... Facebook   / jonalmasri   Instagram   / johnelmasry2020   Twitter https://twitter.com/Johnelmasry2020?r... الانتساب لمجموعة دراسة صناعة المال    / @جون   تحليل الواقع مع #جون_المصرى صفحة جون المصرى على الفيس بوك   / jonalmasri   اكونت جون المصرى على الفيس بوك   / karma.keroles.7   #السيسي #الجيشالمصري #اخبارمصر#أمريكا #السعودية #الإمارات #قطر #روسيا #روسيااوكرانيا #الكويت #البحرين #الرئيسالسيسي ##جونالمصرى #اخرالاخبار #الجزيرة #العربية #سكاينيوزعربية #اخبارعربية #اخبارالعالم #اخباراليوم #المملكةالعربيةالسعودية #الخليج #سوريا #فلسطين #إثيوبيا #سدالنهضة #مصر #الاقتصاد #المغرب #الجزائر #العراق #الأردن #تركيا #القاهرة #الرياض #أبوظبي #أخبار #الصين #الرياض #لبنان #ليبيا #السودان #إفريقيا