Ya Aba Abdillah (a.s.) | Muhammad Samie | Official Video

CREDITS: Singer: Muhammad Samie Poet: Muhammad Samie Composer: Muhammad Samie =========================== AUDIO CREW: Director: Muhammad Samie & Jay Ali Producer: Jay Ali Harmonium: Muhammad Samie Flute: Baqir Abbas Recording, Mixing & Mastering: Jay Ali ============ VIDEO CREW: Director: Muhammad Samie Video Concept: Muhammad Samie & Suleman Shah Cinematographer: Suleman Shah DOP: Suleman Shah Gaffer: Salman Shehbaz Camera Assistant: Hasnain Art Work: Muhammad Samie Wardrobe: Muhammad Samie Lighting: Light & Grip Productions Post-Production: Suleman Shah Production House: Kul Andar Films A Presentation by Short Sufi Films ============ LYRICS: Wallah tere gaisoo, gaisoo-e-Muhammad Wallah tere abroo, abroo-e-Muhammad Qaamat hai qayamat, manind-e-Muhammad Guftaar bhi teri guftaar-e-Muhammad Zahir bhi Muhammad, baatin bhi Muhammad Ze-sar ta-ba-pa tu, Tasveer-e-Muhammad Tu mushk-e-Nabi, noor-e-Ali, jaan-e-Hassan hai Tu hub-e-Nabi paak ke mauzoo ka matan hai Aashiq teri muskaan ka har hoor-o-malak hai Aariz ke khad-o-khaal mein maadar ki jhalak hai Tu Nooh ki kashti Tu ma’ni-e-hasti Tu Ishq Ka Mehvar Ushaaq ka rehbar Tui Kalmay ka sipar Tui Zahra ka fakhar Tu Risalat ka jigar Tu imamat ka pidar Hai mawaddat teri sab ke liye farma-ullah Ya Aba Abdillah Ya Aba Abdillah [chorus] Ya Hussain ibn-e-Ali Tu hai farzand-e-Nabi Tu hai faizan-ullah Ya Aba Abdillah Ya Aba Abdillah [chorus] Tu mujh se hai mein tujh se hun kehte hain Muhammad Ya Aba Abdillah Ya Aba Abdillah [chorus] Karbala jab hai saji, run mein Hussain aate hain Shan aisi hai ke a’daa bhi laraz jate hain Rukh pe Haider ke se asaar nazar aate hain Chaal mein Hazrat-e-Abbas nazar aate hain Waar karte hain to daston ko ulat jaate hain Aik hi aan mein manzar ko palat jate hain Hosh batil ke dimaghon se urhay jaate hain Naam ke soormay qadmon mein giray jate hain Hai qayamat ka samaa Aik saaron pe giraan Al-amaan, bus al-amaan Kahe har peer-o-jawaan Teri dahshat pe farishte kahen ALLAH ALLAH Ya Aba Abdillah Ya Aba Abdillah [chorus] Karbala deen bhi hai hasil-e-iman bhi hai Karbala ramz bhi hai ramz ki pehchan bhi hai Karbala ishq ki tafseer ka samaan bhi hai Karbala sabr ke mazmoon ka unwan bhi hai Karbala mazhar-e-khusnoodi-e-yazdan bhi hai Karbala naaz-e-khuda zeenat-e-qur'an bhi hai Karbala zikr-e-wilayat 'alal-e'laan bhi hai Karbala Dukhtar-e-Ahmed ka gulistan bhi hai Karbala fikr-e-jawanan ka nigran bhi hai Karbala dars-e-wafa bhi hai dabistan bhi hai Karbala marifat-e-haq ka khayaban bhi hai Karbala bhook bhi hai pyaas bhi zindaan bhi hai Karbala fakhr bhi tauqeer-e-muslaman bhi hai Karbala raasta bhi rehbar-e-insan bhi hai Karbala qalb hai kalmay ka yahi jaan bhi hai Karbala panjatan-e-paak ka irfan bhi hai Karbala dasht-e-fana Karbala arz-e-baqa Haq-paraston se Samie Kahe ye Karb-o-Bala Panjatan hi to hain hum sab ke liye Habl-illah Ya Aba Abdillah Ya Aba Abdillah [chorus] Sajde ne tere Deen-e-Muhammad ko jila di Zulmaat mein irfan ki qindeel jala di Milte hain karoron yahan Qur’an ke haafiz Lekin mera Shabbir hai Qur’aan ka mohafiz Mein dua bus ye karoon Mein jahan par bhi rahoon Tere saaye mein paloon Tera gham dil ka sukoon Shah-e-tasleem-o-raza Ya Aba Abdillah Ya Aba Abdillah [chorus] Waqt-e-namaz-e-asr ka manzar ajeeb hai Wasl-e-Khuda-e-paak ka lamha qareeb hai Bhai na bhateejay hain na koi habeeb hai Tanha mohaasre mein Ali ka naqeeb hai Nazaan hai kirdigar bhi aisa naseeb hai Himmat nahin kahun ye Hussain-e-ghareeb hai Bole Hussain majmaa-e-kammee-kameen se Yani banu umaiyya ki faoj-e-la’een se Chahoon jo mein safon ko jarhon se ukharh doon Pal mein tumhari jang ka huliya bigaarh doon Wallah hazaaron ko hi tanha pachaarh doon Qabl-e-ghuroob-e-shams hi mitti mein gaarh doon Lekin namaz-e-ishq ada kaun kare ga? Wa’dah ha jo Nana se wafa kaun kare ga? Chehra munafiqat ka ayaan kaun kare ga? Eemaan ko batil se juda kaun kare ga? Apne badan ko khoon mein karna hai tar mujhe Pesh-e-raza-e-yaar hi rakhna hai sar mujhe Ya Aba Abdillah Ya Aba Abdillah [chorus] Aayi nida ye pusht se Khair-ul-anaam ki Rakh li hai tu ne laaj Risaalat ke naam ki Sunte hi zulfiqaar supurd-e-neyaam ki Bandhi kamar Hussain ne karbal tamam ki Nazren utheen Hussain alaihissalam ki Suniye Khuda se guftagu Aali maqam ki Hai hazir-e-khidmat mere Akbar ki jawani Bikhra hua Qasim mere Bhaiyya ki nishani Tujh par hai ayaan Asghar-e-kamsin ki kahani Shaane katay Abbas ke aur mashk mein paani Guldasta-e-lasha-e-bahattar bhi hai hazir Sab kuch hai tera ab hua Shabbir bhi hazir Aa kaat de har uzv ko uff bhi na kahoon ga Le kaat zaban naam to tera hi japoon ga Sar ko mein sar-e-nok-e-sinan nazr karoon ga Hun ibn-e-Ali kufr ke agay na jhukoon ga Ya Zuljalal mujh pe sitam azma ke dekh Hum Aal-e-Muhammad ka jigar azma ke dekh Tu hi hai jo Zainab ko Sakina ko sambhale Khaimon mein jo sadaat hain sab tere hawale Ya Aba Abdillah Ya Aba Abdillah #muhammadsamie #imamhussain #karbala #qawwali #urdupoetry