Khit Thit Morning News | 16 July 2026

Khit Thit သတင်းဌာန၏ ဇူလိုင် ၁၆ ရက် မနက်ပိုင်း ရုပ်သံသတင်းအစီအစဉ် By ရန်ကုန်ခေတ်သစ် ဒီကနေ့ ဇူလိုင် ၁၆ ရက် မနက်ပိုင်း တင်ဆက်ပေးမယ့် သတင်းတွေကတော့ -တရုတ်နိုင်ငံဟာ မြန်မာကို သူ့ရဲ့ မဟာဗျူဟာအကျိုးစီးပွားအတွက် အသုံးချနိုင်တဲ့ နိုင်ငံတစ်ခုအဖြစ် ပြောင်းလဲဖို့ ကြိုးပမ်းနေပြီး စစ်ကောင်စီကို နိုင်ငံတော်အဆင့်မှာ ထောက်ပံ့ကာကွယ်ပေးသလို တိုင်းရင်းသားလက်နက်ကိုင်အဖွဲ့တွေအပေါ်မှာလည်း လက်နက်၊ ကုန်သွယ်ရေးနဲ့ စီးပွားရေးကို အသုံးချပြီး သြဇာလွှမ်းမိုးနေတယ်လို့ လုံခြုံရေးနဲ့ အကြမ်းဖက်မှုဆိုင်ရာ လေ့လာသုံးသပ်သူ Jaideep Saikia က သုံးသပ်ထားပါတယ်။ -မြန်မာနိုင်ငံမှာ နိုင်ငံတကာသင်ရိုးညွှန်းတမ်းနဲ့ သင်ကြားနေတဲ့ ပုဂ္ဂလိက International School ကျောင်းသား၊ ကျောင်းသူတွေ ပြည်ပတက္ကသိုလ်တွေကို သွားပြီး ပညာဆက်မသင်ဘဲ မြန်မာနိုင်ငံ အတွင်းက တက္ကသိုလ်တွေကို ဝင်ခွင့်လျှောက်ထားနိုင်အောင် စီစဉ်ဆောင်ရွက်နေတယ်လို့ စစ်တပ်ခန့် ပညာရေးဝန်ကြီး ချောချောစိန်က ပြောလိုက်ပါတယ်။ -ကချင်ပြည်နယ်မြောက်ပိုင်း၊ ပူတာအိုခရိုင်၊ ခေါင်လန်ဖူးမြို့နယ်၊ ရှိန်းခေါင်ဒေသ တရုတ်နယ်စပ်မှာရှိတဲ့ စစ်ကောင်စီနဲ့ ပြည်သူ့စစ်ပူးပေါင်းတပ်စခန်း ၃ ခုကို သိမ်းပိုက်နိုင်ခဲ့တယ်လို့ KIA စစ်ရေး သတင်း ရင်းမြစ်က ပြောပါတယ်။ -၂၀၂၆ ဖီဖာကမ္ဘာ့ဖလား ဆီမီးဖိုင်နယ်ပွဲစဉ်မှာ အာဂျင်တီးနားအသင်းက အင်္ဂလန်အသင်းကို ၂ ဂိုး ၁ ဂိုးနဲ့ နောက်ကနေ ပြန်လည်အနိုင်ယူပြီး ဗိုလ်လုပွဲကို တက်ရောက်သွားခဲ့တဲ့ သတင်းအပါအဝင် မနက်ခင်းသတင်းတွေကို တင်ဆက်ပေးပါမယ်။