Nohay 2026 | Sar e Abbas Aya Hai Sakina | Zeeshan Abidi | Bibi Sakina Noha 2026 | Muharram Noha 2026

Nohay 2026 | Sar e Abbas Aya Hai Sakina | Zeeshan Abidi | Bibi Sakina Noha 2026 | Muharram Noha 2026 BIBI SAKINA NEW NOHA Noha | Sar e Abbas Aya Hai Sakina Reciter & Poet | Zeeshan Abidi 🎙️✍️ Composition | Zeeshan Abidi Audio | Air Studio Mixing & Mastering | ODS Video | The Focus Studio Graphic | Minhaj Ahmed Sar-e-Abbas (A.S.) Aaya Hai, Sakina (S.A.) ​Salam Ya Ali (A.S.) Madad ​Tareekh mein likha hai jab choti Shahzadi ghar mein chalti thin, to Maula Abbas (A.S.) apne haath unke paaon ke neeche rakh dete the taake choti Zahra (S.A.) ke paaon zameen par na lagein. ​Haye! Magar wahi Abbas (A.S.) jab qatal ho gaye, to wahi Shahzadi Karbala se Shaam tak apne Ammu ke sar ke saamne tamanche khati rahi aur Bibi Zainab (S.A.) se poochti rahi: ​"Ammu kab aayenge?" ​Aur Shaam ke zindaan mein, andheri qabr mein so gayi. ​Jab qaidiyon ko hukm-e-rihai mila aur shaheedon ke sar laaye gaye, to Maula Abbas (A.S.) ka sar dekhte hi us bhateeji ki yaad aayi jo apne Ammu jaan ki yaad mein ro ro ke mar gayi. ​Bas, sar dekhte hi behen ne kaampte haathon se apne bhai ka sar uthaya aur qabr-e-Sakina (S.A.) par rakh kar noha kiya: ​"Sar-e-Abbas (A.S.) aaya hai, Sakina (S.A.)" Lyrics Sar e Abbas Aya Hai Sakina ​Dar-e-zindan khula Aai rihai ki khabar Mil gaya saman-e-safar laye gaye pyason ke sar Sar-e-Abbasؑ jab dekha ​Bahat yaad aaeen Sakinaؑ Rone lageen Sani-e-Zahraؑ Chaleen Abbasؑ ke sar ki taraf jab odh kar chadar Uthaya kaanpte hathon se wo bhai ka zakhmi sar Bapa tha qaid mein mahshar jab ek chhoti si turbat par Sar apne bhai ka rakh ke kaha Zainabؑ ne ro rokar Sar e Abbas Aya Hai Sakina ​Isi ke samne lakar tumhein maara gaya Bibi Yeh neze se gira jab bhi tumhein durra laga Bibi Isi ki dushmani mein Shimr ne pyasa rakha Bibi Tumhein is haal mein yeh dekh ke rota raha Bibi Aye meri laadli utho chacha ka haal to poocho Zameen pe gir gir ke haye yeh kitna zakhmi hai dekho ​Sar-e-Abbasؑ ko yun zalimon ne aur tadpaya Tamashe ke liye sab Shamiyon ko ghar se bulwaya Gale mein baandh kar rassi Sakinaؑ tumko daudaya Bhatiji aur chacha pe raah mein yeh waqt bhi aaya Thi jis rahwar se bandhi tumhari gardan ki rassi Usi rahwar ki gardan mein latkaya tha yeh sar bhi ​Tamanche maarta tha kheench kar jab Shimr baalon se Batao khud ise kitna baha tha khoon gaalon se Bahat takleef mein ho aye Sakinaؑ tum do saalon se Lahu rista hai zakhmon ki tarah pairon ke chaalon se Uthaye paon rakh rakh kar chali ho kitna panjon par Zameen wo garm thi kitni batao tum isko uthkar ​Sahara leke deewaron ka jab tum paas aati thi Kamar ko thaam kar mere sirhane baith jaati thi Tumhein jab pyar se mein apne seene se lagati thi Chacha kab aayenge tum pooch kar aansu bahati thi Mein tumko aye meri bachi jawab us waqt kya deti Utho wo milne aaya hai jise tum yaad karti thi ​Tamanna thi tumhein jiski yeh wo waqt-e-rihai hai Tumhari baaliyan bhi aa gayeen chadar bhi aai hai Tumhari yaad bhi kaisi qayamat saath lai hai Mein jiska sar uthakar lai hoon yeh mera bhai hai Hazaron gham hain chehre pe mein isko dekhti kaise Hain iski aankh mein aansu lagaloon apne seene se ​Phuphi ka farz meri laadli kaise nibhati mein Bandhe the haath tumko kis tarah pani pilati mein Tumhari qabr par Abbasؑ ka sar kyun na lati mein Sakinaؑ mar gayi pyasi ise kaise batati mein Ise yeh ek hi gham tha tumhein pani na mil paya Yeh us ghayoor ka sar hai jo darya se nahi aaya ​Lahad hilne lagi Zeeshan Zainabؑ ki sada sunke Phuphi amma se yeh rokar kaha baali Sakinaؑ ne Mujhe maloom tha ek roz aayenge chacha milne Magar mein to lahad mein hoon lagaon kaise seene se Utha lijiye phuphi badh kar mere Ammu ka zakhmi sar Tadapti hai Sakinaؑ qabr mein yeh baat sun sun kar